ކަރަންޓީން އުސޫލާ ޚިލާފު ވީ މީހަކު 10000 ރުފިޔާއިން ޖޫރިމަނާ ކޮށްފި
ކޮވިޑް-19އާ ގުޅިގެން ފުވައްމުލަކު ސިޓީގައި ކަރަންޓީން ކޮށްފައި ހުރި މީހަކު ގެއިން ބޭރަށް ނުކުތުމުން 10،000 ރުފިޔާއިން ޖޫރިމަނާ ކޮށްފިއެވެ.
ފުވައްމުލަކު އިމަޖެންސީ އޮޮޕަރޭޝަން ސެންޓަރުން މިރޭ ބޭއްވި ނޫސްވެރިންގެ ބައްދަލުވުމެއްގައި އެ ސެންޓަރުން ބުނީ އެމީހާ ބޮޑު އަދަދަކުން ޖޫރިމަނާ ކުރެވުނީ ކަރަންޓީންގެ އުސޫލާ ޚިލާފުވުމުން ކަމަށެވެ.
މީގެ އިތުރުން ވެސް މިއަދު 11 މީހަކު ކޮވިޑް-19އާ ގުޅިގެން އަޅާފައިވާ ފިޔަވަޅުތަކާ ގުޅިގެން އެ ސިޓީއިން ޖޫރިމަނާ ކޮށްފައިވާ ކަމަށް އެ ސެންޓަރުން މައުލޫމާތު ދެއެވެ. އެހެން ނަމަވެސް އެއްވެސް ވިޔަފާރިއެއް ހިންގާ ތަނެއް ޖޫރިމަނާ ކޮށްފައި ނުވާ ކަމަށް ވެސް އެ ސެންޓަރުން ބުނެއެވެ.
ހަލުވިކަމާއެކު ކޮވިޑް-19 ފެތުރެމުން ދާތީ ބަލި ކޮންޓްރޯލް ކުރުމަށް ޑިރެކްޓަރ ޖެނެރެލް އޮފް ޕަބްލިކް ހެލްތުން އަންގަވާފައިވާ އެންގުންތަކަށް ކިޔަމަންނުވެ، އެކަން ތަކުރާރުވާނަމަ ޖޫރިމަނާ ކުރާ ކޮންމެ ފަހަރަކު 10،000 ރުފިޔާއިން ޖޫރިމަނާ ކުރާނެ ކަމަށް ފުލުހުން ވަނީ ބުނެފައެވެ.
އެންގުމާ ޚިލާފުވާ ފުރަތަމަ ފަހަރު ޖޫރިމަނާ ކުރެވޭނީ 1،000 ރުފިޔާއިންނެވެ. އަދިދެވަނަ ފަހަރު 3،500 ރުފިޔާއިން ޖޫރިމަނާ ކުރާއިރު، އެންގުމާ ޚިލާފުވާ ތިންވަނަ ފަހަރު 7،500 ރުފިޔާއިން ޖޫރިމަނާ ކުރެވޭނެ ކަމަށް ވެސް ފުލުހުން ވަނީ އަންގާފައެވެ.
ާޤޖުުުުރިމަނަަަ ސަރުކަަަރު