ޝަރުތު ފުރިހަމަވާ ދިވެހިން ތިބި ވަޒީފާތަކަށް ބިދޭސީން ނުގެނެވޭ ގޮތަށް ޤަވާއިދު ހަދަނީ
ޝަރުތު ފުރިހަމަވާ ދިވެހިން ތިބި ވަޒީފާތަކަށް ބިދޭސީ މުވައްޒަފުން ނުގެނެވޭ ގޮތަށް ބޭރު މީހުން ވަޒީފާތަކަށް ގެނައުމުގެ ގަވާއިދަށް ބަދަލު ގެންނާނެ ކަމަށް އިކޮނޮމިކް މިނިސްޓަރު ފައްޔާޒް އިސްމާއީލް ވިދާޅުވެއްޖެ އެވެ.
ވެރިކަން ކުރާ އެމްޑީޕީގެ "ރަށްވެހި ފަތިސް" ކެމްޕޭންގެ ތެރެއިން ބޭއްވި ބައްދަލުވުމެއްގައި މިހާރު މިނިސްޓަރު ފައްޔާޒް ވިދާޅުވީ ވަޒީފާގެ ބާޒާރަށް ދިވެހިން ނެރުން އިތުރުކުމަށާއި ވަޒީފާ ނެތް ފަރާތްތަކަށް ވަޒީފާ ހޯދައިދިނުމަށް ބޮޑެތި ޕްރޮގްރާމެއްތަކެއް ކުރިއަށް ގެންދާ ކަމަށެވެ.
"ހާއްސަކޮށް ރިސޯޓުތަކުގެ، ވަޒީފާތަކަކީ ކޮބައިތޯ އާއި އަދި އެއަށް ބޭނުންވާ ޓްރެއިނިންގެ ކަންތައްތައް ނިމި މިހާރު ހަޔާ އެޑިއުކޭޝަން މިނިސްޓްރީ މެދުވެރިކޮށް ޓިވެޓް ޕްރޮގްރާމް ތެރޭ އެ މަސައްކަތް ކޮންމެސް ވަރަކަށް ފެށިފަ ވަނީ" މިނިސްޓަރު ފައްޔާޒު ވިދާޅުވި އެވެ.
މިހާރު މިނިސްޓްރީ އޮފް ކޮމިއުނިކޭޝަން، ސައިންސް އެންޑް ޓެކްނޮލޮޖީ ހިންގެވުމާ ވެސް ހަވާލުވެ ހުންނެވި ފައްޔާޒު ވިދާޅުވީ ވޯލްޑް ބޭންކް އެހީގައި އިތުރު ހުނަރުތައް ތަރައްގީކުރުމަށް ވެސް މަސައްކަތް ކުރަމުން އަންނަ ކަމަށެވެ. އޭގެ ތެރޭގައި އެކައުންޓަންޓުންނާއި ޕްރައިވެޓް ސެކްޓާގެ ރިސޯޓުތަކުގެ ވަޒީފާއަށް ދިވެހިން ނެރުމަށް އިސްކަންދެއްވާ ކަމަށް ވެސް މިނިސްޓަރ ވިދާޅުވި އެވެ.
ގަވާއިދު ހަދަނީ؟؟؟ ެެއަބަދުވެސް ވާނީ ތިވަރު. ާދިރާސާ ކުރުމާ ގަވާއިދު ހެދުމުގެ މަރުހަލާ ނުނިމޭނެ.