ވެކްސިން ޖެހި ފަހުން ދިވެއްސަކު ކުއްލި ގޮތަކަށް ނިޔާވެއްޖެ
ވެކްސިން ޖެހި ފަހުން އުމުރުން 45 އަހަރުގެ ދިވެހި ފިރިހެނަކު ކުއްލި ގޮތަކަށް ނިޔާވެއްޖެއެވެ.
"ދެން" އަށް މައުލޫމާތު ލިބިފައިވާ ގޮތުގައި އއ.މާޅޮހުގެ އެ މީހާ ކުއްލި ގޮތަކަށް ނިޔާވެފައި ވަނީ ވެކްސިން ގެ ފުރަތަމަ ޑޯޒް ޖެހުމަށް ފަހު މަހަށް ގޮސް އުޅެނިކޮށެވެ.
ވެކްސިން ޖެހި ފަހުން އޭނާ ، ވަރަށް ގަދަަޔަށް ބޮލާއި ގައިގައި ރިއްސާތީ އުޅުނު ކަމަށާއި އެހެން ނަމަވެސް އޭނާގެ ހާލު ފަހުން ރަނގަޅުމުން ދިޔަ ކަމަށް މައުލޫމާތު ލިބިފައި ވެއެވެ.
މިކަމާ ގުޅިގެން އެޗްޕީއޭއިން ބުނެފައި ވަނީ މަހަށް ގޮސް އުޅުނު މީހަކު ހާލު ދެރަވެ ހިންމަފުށި ހެލްތު ސެންޓަރަށް ގެންދެވުނު ކަމަށާއި އޭނާ ނިޔާވީ ހެނދުނު 9:13 ގައި ކަމަށެވެ.
އަދި މިކަމާ ގުޅިގެން ބަލަން ޖެހޭ ކަންތައްތައް ބަލަމުން ދާ ކަމަށް ވެސް އެޗްޕީއޭއިން ބުނެއެވެ.
މާތް ﷲ އެމައްޔިތާގެ ފުރާނައަށް ހެޔޮ ރަޙްމަތް ލައްވާ، ފާފަ ފުއްސަވާ ސުވަރުގޭގެ މަތިވެރި ނިޢުމަތް މިންވަރު ކޮށްދެއްވާށިއެވެ. އާމީން! އަދި މި ހިތްދަތި ވަގުތުގައި ޢާއިލާއަށް ކެތްތެރިކަން ދެއްވާށިއެވެ. އާމީން!
إِنَّا لِلّهِ وَإِنَّـا إِلَيْهِ رَاجِعُون
Ads by STO
