ވޭތުވެދިޔަ ދިގު މުއްދަތުގައި ރާއްޖެ ކުރިއަށް ދިޔައީ ޤައުމީ އަދި އިސްލާމީ ވިސްނުމުގައި: ރައީސް މައުމޫން
ވޭތުވެދިޔަ ދިގު މުއްދަތުގައި ރާއްޖެ ކުރިއަށް ދިޔައީ ޤައުމީ އަދި އިސްލާމީ ވިސްނުމުގައި ކަމަށް ކުރީގެ ރައީސް މައުމޫން ޢަބްދުލްޤައްޔޫމް ވިދާޅުވެއްޖެއެވެ.
ސަރުކާރާއެކު އޮތް އެއް ޕާޓީ ކަމުގައިވާ މޯލްޑިވްސް ރީފޯމް މޫވްމަންޓް (އެމްއާރްއެމް) ގެ ލީޑަރުކަން ވެސް ކުރައްވާ ރައީސް މައުމޫން މިއަދު ކުރެއްވި ޓްވީޓެއްގައި ވިދާޅުވީ ވޭތުވެދިޔަ ދިގު މުއްދަތުގައި ރާއްޖެ ކުރިއަށް ދިޔައީ ޤައުމީ އަދި އިސްލާމީ ވިސްނުމުގައި ކަމަށާއި އަދި މުސްތަޤްބަލުގައި ވެސް ރާއްޖެ ކުރިއަށް ދާނީ ހަމަ ޤައުމީ އަދި އިސްލާމީ ވިސްނުމުގައި ކަމަށެވެ
މިއީ ރައީސް މައުމޫން ކޮންކަމަކާ ގުޅުވާފައި ކުރެއްވި ޓްވީޓެއްކަމެއް ހާމަވެފައެއް ނުވެއެވެ.
ރައީސް މައުމޫން މިހެން ވިދާޅުވެފައިވާއިރު ރައްޔިތުންގެ އުއްމީދުތައް ގުޅިފައިވަނީ އެމްޑީޕީގެ ފަލްސަފާގައި ކަމަށާއި، ރާއްޖެ ކުރިއަށް ދާނީ އެ ޕާޓީގެ ވިސްނުމުގައި ކަމަށް އެމްޑީޕީގެ ރައީސް މުހައްމަދު ނަޝީދު ވަނީ އިއްޔެ ކުރިޔަށް ދިޔަ ކެމްޕޭން ޖަލްސާއެއްގައި ވިދާޅުވެފައެވެ.
ތިޔަ ވާހަކއިން ދޭހަވަނީ ކޮން އެއްޗެއްތޯ؟ މައުމޫނަކީ ގްރޭންޑް ކްރޮސް، ގްރޭންޑް ސެންޓް މައިކަލްގެ ލަޤަބު ލިބިވަޑައިގެން ހުންނެވި ދީނީ ކަންކަން ރަގަޅަށް އޮޅުން ފިލުވައި ނުދެއްވާ،ދީނީ ކަންކަމުގައި އިޙުތިރާމް ކުޑަވާ ގޮތަށް ކަންކަން ކުރަން ބާރު އެޅުއްވި ވެރިޔެއް. ޢަލްމާނިއްަޔަތަށް މަގުފަހި ކުރި ލީޑަރ. އަންނި އަކީ އޭގެ ފަހުބައި ތަންފީޡު ކުރަން ފައުޅުވި ދީން ޤަބޫލު ނުކުރާ ދީނުގެ ޢަދުއްވެއް. ދެން ކިހިނެތްތޯ ދީނީ ޤައުމީ ޝަޢާރުގައި ޤައުމުހިންގި ކަމަށްވާނީ. ދީނީ ދަންނަ ބޭކަލުންނަށް އެހާ ހަސަދަވެރި. ހަދުމަފުޅު އެބަހުރިތޯ ޝައިޚް މުޙައްމަދު އިބުރާހީމް، ޑރ. އަބުދުލް ބާރި ފަދަ ދީނީ ޢިލްމުވެރިނާމެދު ކަންކަން ކުރެވުނު ގޮތް. ޕީ.އެޗް.ޑީ ހެއްދެވި ބޭފުޅުންގެ ތެރޭގައި ހިމެނޭ މުހައްމަދު ވަހީދު ހަސަން މަނިކާ މެދު ކަން ކުރި ގޮތް. ފަތިފުށް މާކަ ރީއްޗެއް ނޫން ދެއްތޯ.