ނައިބު ރައީސް ހުންނެވީ އެމްޑީޕީއާއެކު ކަމަށް ރައީސް ނަޝީދު ވިދާޅުވެއްޖެ
ރާއްޖޭގެ ނައިބު ރައީސް ފައިސަލް ނަސީމް ހުންނެވީ އެމްޑީޕީއާއެކު ކަމަށް ކުރީގެ ރައީސް އަދި އެ ޕާޓީގެ ލީޑަރު މުޙައްމަދު ނަޝީދު ވިދާޅުވެއްޖެއެވެ.
ރައީސް ނަޝީދު މިއަދު ކުރެއްވި ޓްވީޓެއްގައި ވިދާޅުވީ ލޯކަލް ކައުންސިލު ކެމްޕޭނުގައި ނައިބު ރައީސް ފައިސަލް ނަސީމް އެމްޑީޕީ އާއެކު ހުންނެވި ކަމީ އެމަނިކުފާނު ރާއްޖެއަށް ހެޔޮއެދިވަޑައިގަންނަވާ ކަމުގެ ފުރިހަމަ ދަލީލެއް ކަމަށެވެ.
"ލޯކަލް ކައުންސިލު ކެމްޕޭނުގައި ނައިބު ރައީސް ފައިސަލް ނަސީމް އެމްޑީޕީ އާއެކު ހުންނެވި ކަމީ އެމަނިކުފާނު ރާއްޖެއަށް ހެޔޮ އެދިވަޑައިގަންނަވާ ކަމުގެ ފުރިހަމަ ދަލީލެއް" ރައްޔިތުންގެ މަޖިލީހުގެ ރައީސް ވިދާޅުވިއެވެ.
ނައިބު ރައީސް ފައިސަލް ނަސީމް ވެސް ކުރެއްވި ޓްވީޓެއްގައި ވިދާޅުވެފައި ވަނީ، ރައީސް ނަޝީދާ ބައްދަލުވެ ޚިޔާލު ބަދަލު ކުރުމަކީ އެމަނިކުފާނަށް ލިބިލެއްވި ވަރަށް ބޮޑު އުފަލެއް ކަމަށެވެ.
"ލޯކަލް ކައުންސިލު ކެމްޕޭނު ޤައުމީވަންތަ އަދި ރައްކާތެރި ރޫހެއްގައި ކުރިއަށް ގެންގޮސް، އިރާދަކުރެއްވިއްޔާ އަލިވިލޭނީ މާ އަލިގަދަ ފަތިހަކަށް" ނައިބު ރައީސް ވިދާޅުވިއެވެ.
ނައިބު ރައީސް ފައިސަލް ނަސީމް މި މޭރުމުން ޓްވީޓް ކުރައްވާފައިވާއިރު، އެމަނިކުފާނަކީ ޖުމްހޫރީ ޕާޓީގެ މެންބަރެކެވެ.
ތިޔަދެން ނައިބުރައީސްގެ ދުވަސް ދަނީ. ކެރަފާ ނަޝީދަކީ ބުނާބަހާ ދިމާ އިދިކޮޅަށް ކަން ކުރާ މީހެއް.