ހުއްދަ ނުލިބުމުން އިދިކޮޅުގެ ޖަލްސާ ފަސްކޮށްފި

ޕީޕީއެމްގެ އޮފީހުގައި މިއަދު ބޭއްވި ނޫސްވެރިންގެ ބައްދަލުވުމެއްގައި ޕީއެންސީގެ ނައިބު ރައީސް އިބްރާހީމް ސުޖާއު ވިދާޅުވީ ޖަލްސާ ފަސްކުރީ ސަރުކާރާއި ސިޓީ ކައުންސިލުން ހޯދަން އެދުނު ހުއްދަތައް ނުލިބިގެން ކަމަށެވެ. ޖަލްސާ ބާއްވަން ކާނިވާ ސަރަހައްދު ހޯދަން ހައުސިން މިނިސްޓްްރީއަށް ފޮނުވި ސިޓީތަކަށް ޖަވާބެއް ނުލިބުނު ކަަމަށާއި މިނިސްޓްރީގެ އިސް ބޭފުޅުކާ ބައްދަލު ވެސް ނުވި ކަމަށް އޭނާ ވިދާޅުވި އެވެ.

"އެހެން ކަމުން އަޅުގަނޑުމެން މިހާރު ނިންމާފައިވަނީ ފެއިލް ވެއްޖެ ރެލީ މިވަގުތައް ފަސްކޮށްލަން. އެހެން ނަމަވެސް މި ރެެލީގެ ޕްރޮމޯޝަންތަކާއި އިންތިޒާމްތައް ކުރިއަށް ގެންދާނެ،" ޝުޖާއު ވިދާޅުވިއެ ވެ.

ޝުޖާއު ވިދާޅުވީ، ސަރުކާރުން ޖަލްސާއަށް ހުއްދަ ނުދިނުމުން ހާމަވެގެން ދިޔައީ މި ސަރުކާރުން ހިޔާލުފާޅު ކުރުމުގެ މިނިވަންކަމަށް ހުރަސް އަޅާ މިންވަރު ކަމަށެވެ. އަދި ޖަލްސާ ފަސްކޮށްލީ ވަކި މުއްދަތެއް ނެތް ގޮތަށް ކަމަށާއި، ޖަލްސާ ބާއްވާނެ ތާރީހެއް ފަހުން އިއުލާން ކުރާނެ ކަމަށެވެ.

ސުޖާއު ވިދާޅުވީ އިދިކޮޅުގެ ޖަލްސާ ދެން ބާއްވާނެ ތާރީހެއް ކުރިއަށް އޮތް ދެތިން ހަފްތާ ތެރޭގައި އިއުލާނުކުރާނެ ކަމަށެވެ.