އެޗްޕީއޭގެ މިންގަނޑުތަކާ ޚިލާފުވެގެން އެމްޑީޕީއާއި އިދިކޮޅު ކޯލިޝަން ޖޫރިމަނާ ކޮށްފި
އެޗްޕީއޭގެ މިންގަނޑުތަކާ ޚިލާފުވެގެން އެމްޑީޕީއާއި އިދިކޮޅު ކޯލިޝަން ޖޫރިމަނާ ކޮށްފިއެވެ.
ކޮވިޑް-19 އިން ރައްކާތެރިވުމަށް ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ކަނޑައަޅާފައިވާ މިންގަނޑުތަކާއި ޚިލާފު ވެގެން ވެރިކަން ކުރާ އެމްޑީޕީ އަދި އިދިކޮޅު ކޯލިޝަންގެ ދެ ޕާޓީ ކަމުގައިވާ ޕީޕީއެމް އާއި ޕީއެންސީ ޖޫރިމަނާ ކޮށްފައިވާކަމަށް ފުލުހުން ވިދާޅުވެފައިވެއެވެ.
ސިޔާސީ ބޮޑު ތިން ޕާޓީ ޖޫރިމަނާ ކޮށްފައިވާކަން ފުލުހުން ހާމަކޮށްފައި ވީ ނަމަވެސް، މިކަމާ ގުޅޭގޮތުން އިތުރު ތަފްސީލެއް އަދި ދެއްވާފައެއް ނުވެއެވެ.
އެނގިފައިވާ ގޮތުގައި އެމްޑީޕީ ޖޫރިމަނާ ކޮށްފައި ވަނީ އެޗްޕީއޭގެ މިންގަނޑުތަކާ ޚިލާފަށް ހުޅުމާލޭގައި ޖަގަހައެއް ހުޅުވި ރަސްމިއްޔާތަކާ ގުޅިގެންނެވެ. އެގޮތުން އެމްޑީޕީ ގެ ކެންޑިޑޭޓް ރިޒްނާ ޒަރީރު 1000 ރުފިޔާ އިން އަދި އެޕާޓީ 5000 ރުފިޔާއިން ޖޫރިމަނާ ކޮށްފައިވާ ކަމަށް ވެސް މައުލޫމާތު ލިބެއެވެ. ނަމަވެސް މިކަން ފުލުހުން ކަށަވަރު ކޮށްދެއްވާފައެއް ނުވެއެވެ.
Ads by STO
