ލީކުވި އުތުރު ތިލަފަޅު އެއްބަސްވުމުގެ ލިޔުމަކީ ސައްޙަ ލިޔުމެއް: އުމަރު ނަސީރު
އިންޑިއާ ސިފައިންނަށް 60 އަހަރު ވަންދެން ހަތިޔާރާއެކު ރާއްޖޭގައި ތިބެވޭނެ ގޮތަށް ހަދާފައިވާ އެއްބަސްވުމެއް ކަމަށް ބުނެ މިއަދު މީސްމީޑިއާގައި ލީކުވި ލިޔުމަކީ ސައްޙަ ލިޔުމެއް ކަމަށް ކުރީގެ ހޯމް މިނިސްޓަރު ޢުމަރު ނަސީރު ވިދާޅުވެއްޖެއެވެ.
ޢުމަރު ނަސީރު މިއަދު ލީކު ކުރި އެލިޔުމުގައި ބުނެފައިވަނީ އުތުރު ތިލަފަޅުގައި ކޯސްޓްގާޑުގެ އުޅަނދުތައް ބެހެއްޓޭ ގޮތަށް ބަނދަރަކާއި ޑޮކްޔާޑެއް ހަދަން ވެސް އެއްބަސްވާ ކަމަށެވެ.
މިއަދު ލީކް ކޮށްފައިވަނީ، އިންޑިއާ ސަރުކާރުން ދިވެހި ސަރުކާރަށް ފޮނުވި އެއްބަސްވުމުގެ ޑްރާފްޓެއްކަމަށް ވަނީ އެނގިފައެވެ.
މި އެއްބަސްވުމާ ގުޅިގެން ޑިފެންސުން ބުނެފައި ވަނީ އެއީ އެގްރީމެންޓްގެ އަސްލު ނޫން ކަމަށެވެ. ނަމަވެސް އިންޑިޔާ ސިފައިންނަށް ދިގު މުއްދަތުގައި ރާއްޖޭގައި ނުތިބެވޭނެ ކަމަށް ބުނާ ވާހަކަ އެ ފަރާތުން ދޮގު ކޮށްފައެއް ނުވެއެވެ. އިދިކޮޅުން ދަނީ މި މައްސަލައިގައި ކަންބޮޑުވުން ފާޅު ކުރަމުންނެވެ.
