ކުޑަ ހުވަދޫ އިން 18 ކޭސް، ކޮމިއުނިޓީ ސްޕްރެޑަކަށް
ކޮވިޑްގެ ޕޮޒިޓިވް ކޭސްތައް 18 އަށް އަރާ ، ދ. ކުޑަހުވަދޫ ކޮމިއުނިޓީ ސްޕްރެޑް އަކަށް ގޮސްފިއެވެ.
ކުޑަހުވަދޫ ކައުންސިލުގެ ރައީސް، އަހުމަދު ޝާމް “ދެން” އާ ވާހަކަ ދައްކަވަމުން ވިދާޅުވީ، ޖުމުލަ 18 މީހަކު ކޮވިޑަށް ފައްސިވެފައިވާއިރު، ޑައިރެކްޓު ކޮންޓެކްޓުންގެ ގޮތުގައި ގާތްގަނޑަކަށް 300 އަށް ވުރެ ގިނަ މީހުންގެ ސާމްޕަލް ނެގިފައިވާ ކަމަށެވެ.
މީގެ އިތުރުން، ރެންޑަމް ސާމްޕަލް ނަގަން ފަށާނެ ކަމަށާއި ބެލެވެނީ މިއީ ކޮމިއުނިޓީ ސްޕްރެޑެއް ކަމަށް ވެސް ޝާމް ވިދާޅުވިއެވެ.
އެއަރޕޯޓުގެ ހުރިހާ މުވައްޒަފުންނާ، ހޮސްޕިޓަލުގެ ހުރިހާ މުވައްޒަފުންގެ ސާމްޕަލް މިހާރު ވާނީ ނެގިފަ. އެއީ ހުސް ޑައިރެކްޓު ކޮންޓެކްޓުން. އެއީ ގާތްގަނޑަކަށް 300 އަށް ވުރެ ގިނަ މީހުން
ޝާމް
ނިމިދިޔަ ފެބްރުއަރީ މަހުގެ 26 ވަނަ ދުވަހުގެ ފަހުން ކުޑަހުވަދޫން މާލެ އައިސްފައިވާ ފަރާތްތައް، މާލެހިޔާ ކައިރީގައި ހުންނަ ފްލޫ ކްލިނިކް، ހުޅުމާލޭ ފްލޫ ކްލިނިކް، އަދި ވިލިމާލޭ ފްލޫ ކްލިނިކަށް ގޮސް ޓެސްޓު ހެދުމަށް އެޗްޕީއޭ އިން ވަނީ އަންގާފައެވެ.
