ބޮޑު ކެންވާސް އެއްގައި، އިދިކޮޅުގެ ސިޓީއެއް ރައީސް ޞާލިހުއަށް
އުތުރުތިލަފަޅު އެއްބަސްވުން ހާމަ ކުރުމަށް އެދި، އިދިކޮޅު ކޯލިޝަންގެ ފަރާތުން، ރައީސުލްޖުމްހޫރިއްޔާ އިބްރާޙިމް މުހައްމަދު ޞާލިހު އަށް ސިޓީއެއް ހުށަހަޅައިފިއެވެ.
ބޮޑު ކެންވާސްއެއްގައި ޕްރިންޓު ކޮށްގެން ހުށަހެޅި މިސިޓީ ރައީސް އޮފީހާ ހަވާލު ކޮށްފައި ވަނީ، ހަތަރު ފަރާތުގައި ހަތަރު މީހުން ތިބެއެވެ.
މި ސިޓީގައި އިދިކޮޅުން ވަނީ ދިވެހި ރާއްޖޭގެ ވެރިކަން އެމްޑީޕީއަށް ލިބޭ ކޮންމެ ފަހަރަކުމެ ރާއްޖޭގެ މިނިވަންކަމާއި ސިޔާދަތު ގެއްލޭ ފަދަ އެގްރީމެންޓުތައް، ބޭރުގެ ވިޔަފާރި ވެރިންނާއި، ބޭރުގެ ދައުލަތްތަކާއެކު ހަދަމުން އަންނަ ކަމަށާއި، އެކަމުގެ ކަންބޮޑުވުން ރައްޔިތުންގެ މެދުގައި އިންތިހާއަށް އޮތް ކަން ފާހަގަ ކޮށްފައެވެ.
މީގެ އިތުރުން ގައުމުގެ މިނިވަންކަމާއި، ކަރާމާތަށް ބެލުމެއްނެތި، އަޑިނޭނގޭ ސިއްރު އެއްބަސްވުންތަކުގައި އިންޑިއާ ސަރުކާރާއި އެކު ސޮއި ކޮށްފައި އޮތުމުން، އިންތިހާއަށް ބިރުވެރިކަން އުފެދިފައިވާ ކަމަށް އެ ސިޓީގައި ބުނެފައި ވެއެވެ. މިގޮތުން ހެދި އުތުރުތިލަފަޅު އެގްރީމެންޓާއި، އިންޑިއާއިން ހަދިޔާކުރި ހެލިކޮޕްޓަރުގެ އެގްރީމެންޓާއި، ޑޯނިއޯ މަތިންދާބޯޓުގެ އެގްރީމެންޓާއި، ރާޑަރުތައް ބެހެއްޓުމުގެ އެގްރީމެންޓާއި، ހައިޑްރޯ ގްރަފީ ހެދުމުގެ އެގްރީމެންޓުތަކުގައި ވެސް ރައްޔިތުން ކަންބޮޑުވާ ކަންކަން ހުރިކަން ފާހަގަ ކުރައްވައި، އިދިކޮޅުން ވަނީ އެކަންބޮޑުވުންތައް ފިލުވައި ދެއްވުމަށް އެއްބަސްވުންތައް ހާމަކުރުމަށް އެދިފައެވެ.
ވަތަންދެކެ ލޯބިވާ އެންމެހާ ދިވެހި ދަރީންގެ ފަރާތުން ރައީސް އަށް ހުށަހެޅި މިސިޓީ ހުށަހެޅުމަށް، އިދިކޮޅު ސަޕޯޓަރުން ވަނީ އެ ސަރަހައްދަށް އެއްވެފައެވެ.
އެބަ ރަނގަޅުވޭ.. ތިހެންގޮސް އެންމެފަހުން މަޖީދީ މަގޮ އެއްކޮޅު އަނެއް ކޮޅަށް ވާގޮތަސް މުޅީ މަގުފުރާ ބިންމަތީގަ ނުފޮހެވޭނޭ ދެއްޔަކުން ސިޓީ ލިޔެފަ ނޫނީ ހުއްޓާނުލާތި!
ދޫނުކުރާތި ގައުމު އަމާނ ކުރާތި
ގަމައްޚިޔާނާންތެރިންޔާމީނުގެވަގުމަޅީގާޖެހިފައި