ޓޫރިޒަމް މިނިސްޓަރަކަށް އަޅުގަނޑުގެ ދަރިފުޅު އައިމިނަތު ލާ، މާ މޮޅުވާނެ: ޖާބިރު
ޓޫރިޒަމް މިނިސްޓަރަކަށް ކާށިދޫ ދާއިރާގެ މެންބަރު އަބްދުﷲ ޖާބިރުގެ ދަރިކަނބަލުން އައިމިނަތު ޖާބިރު ލުމަށް މިއަދު އެމަނިކުފާނު ގޮވާލައްވައިފިއެވެ.
“އަޅުގަނޑު މިހާރު ރައީސް އިބްރާހިމް މުޙައްމަދު ޞޯލިހަށް މި ދަންނަވަނީ، އަޅުގަނޑުގެ ދަރިފުޅު އައިމިނަތު ޖާބިރު ލާށޭ ޓޫރިޒްމް މިނިސްޓަރަކަށް. މާ މޮޅުވާނޭ” މިއަދު މަޖިލީހުގައި ވާހަކަފުޅު ދައްކަވަމުން ޖާބިރު ވިދާޅުވި އެވެ.
ރައްޔިތުންގެ މަޖިލީހުގައި ވާހަކަ ދައްކަަވަމުން ޖާބިރު މިއަދު ވިދާޅުވީ ވިޔަފާރި ކުރަން އިންގެން ޖެހޭ ކަމަށާއި ވިޔަފާރި ކުރަން ނޭނގި ޕާޓީގެ މާ ބާރަށް ހަޅޭއްލަވާ އެކްޓިވިސްޓެއް ގެންގޮސް މިނިސްޓަރަކަށް ލައިފާނެ ކަމަށެވެ.
އައިމިނަތު ޖާބިރަކީ ބައްޕާފުޅު ޖާބިރުރައީސް ކަމުގައި ހުންނަވާ ޑީއާރްޕީ ގެ ސެކްރަޓަރީ ޖެނެރަލް އެވެ. އަދި ބަޔޯ މެޑިސިންގެ ދާއިރާއިން ސިންގަޕޫރުގައި މަތީ ތައުލީމް ހާސިލް ކުރައްވާފައިވާ ފަރާތެއް ވެސް މެއެވެ.
އާމިނަތު ޖާބިރުގެ މަންމާފުޅަކީ އިންޑިއާގެ ރައްޔިތެކެވެ. އައިމިނަތު ޖާބިރަކީ ސިޔާސީ ދާއިރާއަށް ނުހަނު ޝައުޤުވެރިކަން ހުންނަ ކަނބަލެކެވެ.
