Friday, 20 November 2026
Advertisement
HDC — Share-Below (leaderboard)
ޚަބަރު

14 އަހަރުގެ އަންހެން ކުއްޖަކަށް ޓީޗަރަކު ޖިންސީ ގޯނާ ކުރިކަމުގެ މައްސަލައެއް ފެންމަތިވެއްޖެ

14 އަހަރުގެ އަންހެން ކުއްޖަކަށް ޓީޗަރަކު ޖިންސީ ގޯނާ ކުރިކަމުގެ މައްސަލައެއް ފެންމަތިވެއްޖެ

އުމުރުން 14 އަހަރުގެ ކުޑަ އަންހެން ކުއްޖަކަށް ޓީޗަރަކު ޖިންސީ ގޯނާ ކުރިކަމުގެ ތުހުމަތެއް ފެންމަތި ވެއްޖެއެވެ.

ނަން ހާމަ ނުކުރުމަށް އެދި "ދެން" އަށް މައުލޫމާތު ދިން މީހަކު ބުނީ، ކުއްޖާއަށް ޖިންސީ ގޯނާ ކޮށްފައިވާކަން ހެދި މެޑިކަލް ޓެސްޓަކުން ވެސް އެނގިފައިވާ ކަމަށެވެ.

މިކަމާ ގުޅޭ ގޮތުން އެރަށު ކައުންސިލުން "ދެން" އަށް މައުލޫމާތު ދެއްވްމުން ވިދާޅުވީ، އެފަދަ މައްސަލައެއް ފުލުހުންނާއި ޖެންޑާއިން ތަހުގީގު ކުރަމުން ގެންދާ ކަމަށާއި، ތަހުގީގުކުރާ މައްސަލައަކަށް ވުމުން އިތުރު ތަފްސީލެއް ދެވެން ނެތް ކަމަށެވެ.

Advertisement
Ooredoo — Truecaller (box)

އެ އަންހެން ކުއްޖާއަށް ޖިންސީ ގޯނާކުރީ ސްކޫލް ޓީޗަރަކާއެކު އިތުރު ތިން މީހަކު ކަމަށް ވެސް ވާހަކަ ދެކެވެމުން ދިޔައެވެ. ނަމަވެސް ފުލުހުން ވިދާޅުވީ އިތުރު ތިން މީހަކު އުމުރުން އެ އަންހެން ކުއްޖާއަށް ޖިންސީ ގޯނާ ކުރިކަމަށް ފުލުހުންނަށް ހުށަހަޅާފައި ނުވާ ކަމަށެވެ.

މީހުން ހައްޔަރު ކޮށްފައި ނުވި ނަމަވެސް ފުލުހުން ވިދާޅުވީ ނޯތު ޕޮލިސް ޑިވިޝަން (ނ، ރ، ބ، ޅ) ގައި ހިމެނޭ ރަށެއްގައި 3 މާރިޗް 2021 ވަނަ ދުވަހު އުމުރުން 18 އަހަރު ނުފުރޭ އަންހެން ކުއްޖަކަށް ޖިންސީ ގޯނާ ތުހުމަތު ކުރެވޭ މައްސަލައެއް މިމަހުގެ 11 ވަނަ ދުވަހު ފުލުހުންނަށް ހުށަހަޅާފައިވާ ކަމަށެވެ.

މިމައްސަލައިގެ ތަހުގީގުގައި ކުރަންޖެހޭ މަސައްކަތްތައް ޖެންޑާ މިނިސްޓްރީއާ ގުޅިގެން ކުރަމުން ގެންދާ ކަމަށް ވެސް ފުލުހުން ވިދާޅުވިއެވެ.

ޖެންޑާ މިނިސްޓްރީން މިމައްސަލައާ ގުޅިގެން "ދެން" އަށް މައުލޫމާތު ދެއްވަމުން ވިދާޅުވީ މެދު ރާއްޖެތެރޭ ރަށެއްގައި އުމުރުން 14 އަހަރުގެ އަންހެން ކުއްޖަކަށް ޖިންސީ ގޯނާ ކުރި ކަމަށް ތުހުމަތު ކުރެވޭ މައްސަލައެއް މިމަހުގެ 10ވަނަ ދުވަހު އެ މިނިސްޓްރީގެ ސަމާލުކަމަށް އައިސްފައިވާ ކަމަށެވެ. އެކުއްޖާ މިހާރު ވަނީ ރައްކާތެރި މާހައުލެއްގައި ކަމަށް ވެސް ޖެންޑާއިން ވިދާޅުވެފައި ވެއެވެ.

ރިއެކްޝަން

Advertisement
Ooredoo — Truecaller (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.