ރޮޒައިނާ ދެއްކި ވާހަކައަށް އިމްތިޔާޒްގެ ރައްދު: "އަޅުގަނޑު ނިދަނީ، އާދައިގެ މަތިން 11:30 އަށް މަޖިލިހަށް ދުރުވޭ!"

"މިސްކިތްތައް ހުއްޓުވޭ ހާލަތައް އަޅުގަނޑުމެންނަށް ދެވެންޏާ، ރައްޔިތުންގެ މަޖިލިސް ހުއްޓުވޭނެ ހާލަތަކަށް ނުދާންވީ އެއްވެސް ސަބަބެއް ނެތް" ކަމަށް ބުނެ މައްޝޫރު ނިޔުރޮސާރޖަން ޑރ. އަލީ ނިޔާފް ދެއްކެވި ވާހަކަފުޅަށް، ރައްޔިތުންގެ މަޖިލިހުގެ އައްޑޫ މީދޫ ދާއިރާއިގެ މެންބަރު ރޮޒައިނާ އާދަމް އެއްބަސްވެ ވަޑައިގެންނެވުމުން، ރައްޔިތުންގެ މަޖިލިހުގެ ދެ މެންބަރަކު އެކަމަނާއަށް ޓްވިޓާގައި ފާޑު ވިދާޅުވެއްޖެއެވެ.

Ads by Hajj Corporation

އެގޮތުން ޑރ. ނިޔާފް ދެއްކެވި ވާހަކަތަކަށް ތާއީދު ކުރައްވާ ކަމަށް ރޮޒައިނާ ވިދާޅުވުމުން އެއަށް ރައްދުދެއްވާ ޓްވީޓު ކުރައްވަމުން މެދު ހެންވޭރު ދާއިރާގެ މެންބަރު އަލީ އާޒިމް ވިދާޅުވީ "ޗީފް ވިޕް" ދެކެވަޑައިގަންނަވާ ގޮތާއި ބަހުސްކުރުން އެންމެ ރަނގަޅުވާނީ ސޯޝަލް މީޑިއާ ގައި ނޫން ކަމަށެވެ. އަދިމިއީ މައްޝޫރުވުމުގެ މުބާރާތެއް ނޫން ކަމުގައި ވެސް ވިދާޅުވިއެވެ.

އެއަށް ރައްދު ދެއްވަމުން ރޮޒައިނާ ވިދާޅުވީ ހަމައެކަނި އެއްބަސްވެ ވަޑައިގެންނެވީ އިއްޒަތްތެރި ޑޮކްޓަރަކު ދެއްކެވި ހިކްމަތްތެރި ވާހަކަފުޅަކަށް ކަމަށެވެ.

އަލީ އާޒިމްގެ ޓްވީޓަށް މާފަންނު އުތުރު ދާއިރާގެ މެންބަރު އިމްތިޔާޒް ފަހުމީ ރޮޒައިނާ އާއި ދެކޮޅަށް ރައްދު ދެއްވަމުން ވިދާޅުވެފައިވަނީ ޕަބްލިކްގައި ޓްވީޓް ކުރެއްވިއިރު "ޗީފް ވިޕް" އެބިލްގައި ވާއެއްޗެއް ވިދާޅުވެސް ނުވާ ކަމަށާއި، ބިލްގައި ބުނާ އެއްޗަކާއި ކޮންސްޓިޓިއުޝަނުން ބުނާއެއްޗެއް ނުފެންނަ ކަމަށްހަދާ ކޮމެންޓު ކުރެއްވީ ކަމަށެވެ.

އެއަށް ރޮޒައިނާ ރައްދު ދެއްވަމުން ވިދާާޅުވީ ޑރ. ނިއާފް ދެއްކެވި ވާހަކަފުޅު އިމްތިޔާޒް އަޑު އައްސަވާފައިނުވާހެން ހީވާ ކަމަށާއި، ޑރ. ނިއާފް ދެއްކެވި ވާހަކަފުޅަށް އެކަމަނާ ތާއީދު ކުރެއްވުމުން އެކަމާއި އެހާ ނުރުހުންވެލައްވަނީ ކީއްވެތޯ އެވެ.

"އަނެއްކާ ފާފައެއް ކުރެވުނީތޯ" އެމްޕީ ރޮޒައިނާ އައްސަވާފައިވެއެވެ.

އެއަށް އަނެއްކާވެސް ރައްދު ދެއްވަމުން އިމްތިޔާޒް ފަހުމީ ވިދާޅުވީ މަޖިލިސް ޖަލްސާތައް ބާއްވަނީ ޑަބްލިޔުއެޗްއޯ/އެޗްޕީއޭ ގެ ގައިޑްލައިނާއި ޚިލާފަށް ކަމަށް އެއްވެސް ޑޮކްޓަރަކު ވިދާޅުނުވާ ކަމަށާއި ޓާސްކް ފޯސް އަށް ވުރެ ވެސް ބޮޑަށް މަޖިލިހުން އެޤަވާއިދުތަކަށް ބޯލަނބާފައިވާ ކަަމަށެވެ.

މެންބަރު އިމްތިޔާޒް ގެ ޓްވީޓަށް ރޮޒައިނާ ވިދާޅުވީ މަޖިލިހުގެ ކަންތައްތަކަށް މީހުން ފާޑު ވިދާޅުވާ ކޮންމެ ފަހަރަކު އެމީހަކު މަގާމުން ދުރުކުރަން ނުޖެހޭ ކަމަށާއި މީހުން ދޭ ރަނގަޅު ޙިޔާލުތައް ވެސް އަޑުނާހާ ދޫކޮށްލުން ހުއްޓާލަން ޖެހޭ ކަމަށެވެ. އަދި އެކަމަނާ ބޮޑަށް ބެއްލެވީ އިސްލާހެއް ގެނައުމަށް ޑރ. ނިއާާފް ހުށަހެޅި ހުށަހެެޅުމަށް ކަމަށް ވެސް ރޮޒައިނާ ވިދާޅުވިއެވެ.