ޕާކުތަކާއި މައިޒާންތައް ވެސް ހުޅުވާލައިފި
ޕާކުތަކާއި މައިޒާންތައް ވެސް ބަންދު ކުރަން އެންގި އެންގުން ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ބާތިލު ކޮށްފިއެވެ.
ޑިރެކްޓަރ ޖެނެރަލް އޮފް ޕަބްލިކް ހެލްތު މައިމޫނާ އަބޫބަކުރު ސޮއި ކުރައްވާ، އެޗްޕީއޭ އިން ގެޒެޓް ކޮށްފައިވާ އިއުލާނުގައި ބުނެފައިވަނީ، ޑިރެކްޓަރ ޖެނެރަލް އޮފް ޕަބްލިކް ހެލްތުގެ ހައިސިއްޔަތުން ލިބިދޭ ބާރުގެ ދަށުން، 2021 މާރިޗު 4 ވީ ބުރާސްފަތި ދުވަހު އަންގައިފައިވާ އެންގުމުގައި 7 (ހަތެއް) ދުވަހުގެ މުއްދަތަށް އެޅުމަށް ނިންމައިފައިވާ ފިޔަވަޅުތަކުގެ 5 ވަނަ ނަންބަރު (ޕާކުތަކާއި މައިޒާންތައް ބަންދުކުރުމަށް އެންގި އެންގުން) ބަތިލު ކުރާކަމަށެވެ.
<img class="alignnone wp-image-72601 size-full" src="https://cdn.dhen.mv/wp-content/uploads/2021/03/IMG-3d8f4fb9dfceac936534cb58d3183bd3-V.jpg" alt="" width="903" height="1280" />
މީގެ އިތުރުން އެ އިއުލާނުގައި ބުނެފައިވަނީ ޕާކުތަކާއި މައިޒާންތައް ބަންދުކުރަން އެންގި އެންގުން ބާތިލުކޮށް، އެ އެންގުމުގައި 7 (ހަތެއް) ދުވަހުގެ މުއްދަތަށް އެޅުމަށް ނިންމައިފައިވާ އެހެނިހެން ފިޔަވަޅުތަކުގެ މުއްދަތު، 2021 މާރިޗު 25 އިން ފެށިގެން 7 (ހަތެއް) ދުވަހުގެ މުއްދަތަށް، އިތުރުކުރުމަށް ނިންމާފައި ވާކަމަށެވެ.
ކޮމެންޓް