މީސް މީޑިއާ އަށް ދެވި ހިފާފައި ތިބޭ މީހުންގެ ކަމަކީ އެހެން މީހުން ލަދުގެންނެވުމާއި ރުޅި އެރުވުން
މީސް މީޑިއާ އަށް ދެވި ހިފުމަކީ އޭގެ ސަބަބުން ތިމާއަށް ނުރަނގަޅު އަސަރުކުރުވާ ކަމެއް ކަމުގައި ދިރާސާ އަކުން ދައްކައިފިއެވެ. އެގޮތުން މި ނައްސި އަސަރުތައް އެންމެ ގިނައިން ކުރަނީ މީސް މީޑިއާ ބޭނުން ކުރުމަށް ދެވި ހިފާފައި ތިބޭ މީހުން ކަން ވެސް މި ދިރާސާގައި ވަނީ ފާހަގަކޮށްފައެވެ.
ސައިންސްޑިރެކްޓު ގައި ޝާއިއުކޮށްފައިވާ މި ދިރާސާ އަކީ މިޗިގަން ސްޓޭޓް ޔުނިވާސިޓީ އާއި ކެލިފޯނިއާ ސްޓޭޓް ޔުނިވާސިޓީ ގުޅިގެން މީސް މީޑިއާ އިން އެ ބޭނުން ކުރާ ފަރާތްތަކަށް ކުރާ އަސަރު ދެނެގަތުމަށް ކުރި ދިރާސާއެކެވެ.
އެގޮތުން މި ދިރާސާގައި ވަނީ އުމުރުން 18 އަހަރާއި 24 އަހަރާ ދެމެދުގެ 500 އަށް ވުރެ ގިނަ މީހުން ބައިވެރިކޮށްފައެވެ. އެގޮތުން މި މީހުންގެ ފޭސްބުކު އަދި ސްނެޕްޗެޓު ބޭނުން ކުރި މިންވަރު ވަނީ ރެކޯޑުކޮށްފައެވެ.
މި ދިރާސާގެ ރިޕޯޓުގައި ވާ ގޮތުން މީސް މީޑިއާގެ ސަބަބުން ހީނުކުރާ ވަރުގެ ގެއްލުން އެ ބޭނުން ކުރާ ފަރާތްތަކަށް ކުރުވައެވެ. އެގޮތުން މީސް މީޑިއާ އަށް މާ ބޮޑަށް ދެވި ހިފުމަކީ އެކަމުގެ ސަބަބުން މީސް މީޑީއާ ގައި އުޅޭ އެހެން މީހުން ލަދު ގަންނަނަވައި ރުޅި އެރުވުމަށް މަގުފަހި ކުރުވާ ފަދަ ކަމެއްގެ ގޮތުގައި ވަނީ ފާހަގަކޮށްފައެވެ.
