ސައީދު، ރައީސަށް: ނުފޫޒުގަދަ ބާރުތަކުގެ ޕަޕެޓެއްގެ ގޮތުގައި ތިޔަކުރައްވާ ވެރިކަމުގެ ނަތީޖާއަކީ ދިވެހީން އަޅުވެތިވުން!
ނުފޫޒުގަދަ ބާރުތަކުގެ ޕަޕެޓެއްގެ ގޮތުގައި ތިޔަކުރައްވާ ވެރިކަމުގެ ނަތީޖާއަކީ ދިވެހީން އަޅުވެތިވުން ކަމަށް ވިދާޅުވެ މާވަށު ދާއިރާގެ މެމްބަރު މުހައްމަދު ސައީދު، ރައީސް އިބްރާހިމް މުހައްމަދު ސޯލިހު އަށް ރައްދު ދެއްވައިފިއެވެ.
ސައީދު މިހެން ވިދާޅުވީ ރާއްޖޭގެ މިނިވަން ކަމަށް 55 އަހަރު މިއަދު ފުރުމާ ގުޅިގެން އިއްޔެ ގައުމާ މުހާތަބު ކުރައްވާ ރައީސް ދެއްކެވި ވާހަކަފުޅާ ގުޅިގެންނެވެ.
އެގޮތުން ސައީދު ކުރެއްވި ޓްވީޓެއްގައި ވިދާޅުވީ ރަނގަޅު އިޤްތިސާދަކާ ނުލާ ދެމެހެއްޓޭނޭ މިނިވަންކަމެއް ނޯންނާނެކަން ދުނިޔެ ވަނީ ތަޖުރިބާކޮށްފައި ކަމަށެވެ.
"އެފަދަ ނަސީބެއް ދިވެހީންނަށް ލިބުމުގެ ކުރީން ނުފޫޒުގަދަ ބާރުތަކުގެ ޕަޕެޓެއްގެ ގޮތުގައި ތިޔަކުރައްވާ ވެރިކަމުގެ ނަތީޖާއަކީ ދިވެހީން އަޅުވެތިވުން." ސައީދު ވިދާޅުވިއެވެ.
ވަރަށްބޮޑުތެދުފުޅެއް! ރަނގަޅު އިޤްތިސާދަކާއިނުލާ ދެމެހެއްޓޭނޭ މިނިވަންކަމެއް ނޯންނާނެކަން ދުނިޔެވަނީތަޖުރިބާކޮށްފަ. އެފަދަނަސީބެއް ދިވެހީންނަށް ލިބުމުގެކުރީން ނުފޫޒުގަދަބާރުތަކުގެ ޕަޕެޓެއްގެ ގޮތުގައި ތިޔަކުރައްވާ ވެރިކަމުގެ ނަތީޖާއަކީ ދިވެހީންއަޅުވެތިވުން https://t.co/IOAeyq2JYU
— Mohamed Saeed (@em_saeed) July 27, 2020
ރައީސް ސޯލިހު އިއްޔެ ވިދާޅުވީ ގައުމެއްގެ މިނިވަންކަމަށް ނުރަނގަޅު ނުފޫޒުތައް ފޯރުމުގައި، އެންމެ އިސް ދައުރެއް އަދާކުރާ އެއްކަމަކީ، އިގުތިސާދަށް ކުރިމަތިވާ ހީނަރުކަން ކަމަށެވެ. ގައުމުގެ އިގްތިސާދުގައި ދިރުމެއް ނެތް ނަމަ، އެ ގައުމެއްގެ މިނިވަންކަމަށް އަބަދު ވެސް ދާނީ ނުރައްކާތައް ކުރިމަތިވަމުން ކަމަށް އެމަނިކުފާން ވިދާޅުވި އެވެ.
