ބަލި ޖެހޭ މީހުންގެ އަދަދު އިތުރުވަނީ، މިއަދުވެސް 67 މީހަކު ފައްސި ވެއްޖެ

ފާއިތުވި 24 ގަޑިއިރުގެ ތެރޭގައި ރާއްޖެ އިން އިތުރު 67 މީހަކު ކޮވިޑް-19 އަށް ފައްސިވެއްޖެއެވެ.

Ads by STELCO

ހެލްތު ޕްރޮޓެކްޝަން އެޖެންސީ(އެޗްޕީއޭ) އިން ބުނީ މިއަދު ފައްސިވި 67 މީހުންގެ ތެރޭގައި ހިމެނެނީ 43 ދިވެހިންނާއި، ބަންގްލަދޭޝްގެ 14 މީހަކާއި، އިންޑިއާ ހަ މީހަކާއި އިންޑޮނޭޝިއާ ތިން މީހަކާއި އެމެރިކާ މީހެއް ކަމަށެވެ.

މި 67 މީހުންނާއެކު މި ބައްޔަށް ރާއްޖެއިން ފައްސިވި މީހުންގެ އަދަދު މިހާރު ވަނީ 3369 އަށް އަރާފައެވެ. މީގެތެރެއިން ފަރުވާ ދެމުން މިހާރު އަންނަނީ 792 މީހަކަށެވެ.

މިއަދު އިތުރު 13 މީހަކު ބަލިން ރަނގަޅުވެފައިވާއިރު މިހާތަނަށް ބަލިން ރަނގަޅުވި މީހުންގެ ޖުމްލަ އަދަދު ވަނީ 2547 އަށް އަރާފައެވެ.

ރާއްޖެއިން ކޮވިޑް ޖެހިގެން މިހާތަނަށް ނިޔާވެފައި ވަނީ 15 މީހެކެވެ. އޭގެ ތެރޭގައި ހިމެނެނީ ނުވަ ދިވެހީންނާއި، ހަ ބިދޭސީންނެވެ.