ނުރައްކަލުގެ ރަނގަބީލުގެ އަޑު އެބަގަދަވޭ، ކޮންމެހެން ގެއިން ނުކުންނަން ޖެހިގެން ނޫނީ ނުނިކުންނަވާ: އަމީން
ނުރައްކަލުގެ ރަނގަބީލުގެ އަޑު އެބަގަދަވާ ކަމަށާއި ކޮންމެހެން ގެއިން ނުކުންނަން ޖެހިގެން ނޫނީ ނުނިކުންނެވުމަށް ހެލްތު މިނިސްޓަރު އަބްދުﷲ އަމީން އިލްތިމާސް ކުރައްވައިފިއެވެ.
މިނިސްޓަރު އަމީން ކުރެއްވި ޓްވީޓެއްގައި ވަނީ އާއްމު ޙާލަތަށް އެދޭނަމަ، މާސްކު އަޅުއްވާ، އެކަކު އަނެކެއްގެ ދުރުމިން ކަށަވަރު ކުރައްވާ، ބައްދަލުވާ އަދަދު މަދުކުރައްވާ، ކޮންމެހެން ނުކުންނަންޖެހޭ ހާލަތުގައި މެނުވީ ނުކުމެވަޑައި ނުގެންނެވުމަށް އިލްތިމާސް ކުރައްވާފައެވެ.
"ނުރައްކަލުގެ ރަގަބީލުގެ އަޑު އެބަގަދަވޭ!" އަމީން ވިދާޅުވިއެވެ.
އާއްމުޙާލަތަށް އެދޭނަމަ، މާސްކު އަޅުއްވާ، އެކަކު އަނެކެއްގެ ދުރުމިން ކަށަވަރު ކުރައްވާ، ބައްދަލުވާ އަދަދު މަދުކުރައްވާ، ކޮންމެހެން ނުކުންނަންޖެހޭ ހާލަތުގައި މެނުވީ ނުކުމެވަޑައި ނުގަންނަވާ.
ނުރައްކަލުގެ ރަގަބީލުގެ އަޑު އެބަގަދަވޭ !
— Abdulla Ameen (@ameenex) July 28, 2020
ޖޫން 15 ގައި މާލޭގެ ލޮކްޑައުންއަށް ލުއި ދިނުމާއެކު ކޮވިޑަށް ފައްސިވާ މީހުންގެ އަދަދު ވަނީ އިތުރުވާން ފަށާފައެވެ. އެގޮތުން ވޭތުވެ ދިޔަ ދެ ހަފްތާއެއްހާ ދުވަހު ކޭސްތަކުގެ އަދަދު އިތުރުވެ، މިއަދު ވެސް ވަނީ ރެކޯޑު އަދަދަކަށް މީހުން ފައްސިވެފައެވެ. އެގޮތުން މިއަދު އެކަނިވެސް 137 މީހަކު ވަނީ ފައްސި ވެފައެވެ.
