މިނިސްޓަރު މަޙްލޫފް ވެސް ވޯޓު ލައްވައިފި، ވިދާޅުވީ ވޯޓުލުމަކީ ފަރުދީ ޒިންމާއެއް ކަމަށް

މިނިސްޓަރ އޮފް ޔޫތު، ސްޕޯރޓްސް އެންޑް ކޮމިއުނިޓީ އެމްޕަވަރމަންޓް އަހްމަދު މަޙްލޫފް ވެސް ވޯޓު ލައްވައިފިއެވެ.

Ads by STELCO

މިނިސްޓަރ މަހްލޫފް ވަނީ ވޯޓު ލެއްވުމަށް ފަހު ވޯޓުލާ މަންޒަރު ދައްކުވައިދޭ ފޮޓޯއެއް ޓްވިޓާގައި ހިއްސާ ކުރައްވާފައެވެ. މިނސްޓަރުގެ ޓްވީޓްގައި ވިދާޅުވީ ވޯޓު ލުމަކީ ފަރުދީ ޒިންމާއެއް ކަމަށެވެ. އަދި ލިބިފައިވާ ހައްގުގެ ބޭނުން ކުރެއްވުމަށް މަހްލޫފް ވަނީ އިލްތިމާސް ކުރައްވާފައެވެ.

މީގެ އިތުރުން މިނިސްޓަރު ވިދާޅުވީ ލިބިފައި އޮތް ހައްގުގެ ބޭނުން ކުރައްވާ ކުރިއަށް އޮތް 5 އަހަރަށް ރައްޔިތުންގެ މަންދޫބުން އިންތިހާބު ކުރެއްވުމުގައި ބައިވެރި ވެލެއްވުމަށެވެ.

މިނިސްޓަރު މަހްލޫފް ވޯޓު ލައްވައިފައިވާ އިރު ރައީސް އިބްރާހިމް މުހައްމަދު ޞާލިހު އާއި ނައިބު ރައީސް ފައިސަލް ނަސީމްގެ އިތުރުން ދައުލަތުގެ ބައެއް ވަޒީރުން ވެސް މިހާރު ވަނީ ވޯޓު ލައްވައިފައެވެ.