ބޭރަށް ނިކުންނަ އިރު މާސްކު އެޅުން މަޖުބޫރު ކޮށްފި
އާންމު ތަންތަނުގައި އުޅޭ އިރު، މާސްކް އެޅުން މަޖުބޫރު ކަމެއްގެ ގޮތުގައި ސަރުކާރުން ނިންމައިފި އެވެ.
In order to help yourselves and others, wear a mask in public (now mandatory), limit your movements and your contacts, #WashYourHands, work from home unless essential, and practice social distancing. #StaySafe #StayHome
— The President's Office (@presidencymv) July 30, 2020
ރައީސް އޮފީހުން މިއަދު ކުރި ޓްވީޓެއްގައި ބުނެފައިވަނީ މާސްކު އެޅުން މަޖުބޫރުކޮށްފައިމިވަނީ ، ކޮވިޑް ޖެހޭ މީހުން އަނެއްކާ ވެސް ގިނަވަމުން ދާތީ ރައީސް އިބްރާހިމް މުހައްމަދު ސޯލިހު މިއަދު ނޭޝަނަލް ޓާސްކް ފޯސްއާ އެއްކޮށް ބޭއްވެވި ބައްދަލު ކުރެއްވުމުގައި ކަމަށެވެ.
މީގެ އިތުރުންވެސް މީހުންނާ ބައްދަލު ކުރުން މަދު ކުރުމަށާއި ގޭގައި ތިބެ މަސައްކަތް ކުރެވޭ ނަމަ ގޭގައި މަސައްކަތް ކުރުމަށް އަދި ގިނަގިނައިން އަތް ދޮވުމަށް ސަރުކާރުން ބާރު އަޅާ ކަމަށް ވެސް އެ ޓްވީޓުގައި ބުނެފައިވެއެވެ.
ރާއްޖެ އަލުން ފުރަބަންދަކަށް ދިޔުމަކީ އެއްވެސް ބައެއްގެ މަސްލަހަތުގައި އޮތް ކަމެއް ނޫން ކަމަށް މިއަދުގެ ބައްދަލުވުމުގައި އެއްބަސް ވެވުނު ކަމަށް ވެސް ރައީސް އޮފީހުން ބުނެފައިވެއެވެ.
ނަމަވެސް ގެއިން ބޭރަށް ނުކުންނައިރު މާސްކް އެޅުން މަޖުބޫރު ކޮށްފައިވަނީ ހަމައެކަނި މާލެ ސަރަަހައްދުގައި ކަމެއް ނުވަތަ މުޅި ރާއްޖޭގައި ކަމެއް ސާފެއް ނުވެއެވެ. މިކަމުގެ ތަފްސީލު ސަރުކާރުން ހާމަކުރުމަށް ހަމަޖެހިފައިވަނީ މިރޭ ހެލްތް އެމަޖެންސީ އޮޕްރޭޝަން ސެންޓަރުން ބާއްވާ ނޫސްވެރިންގެ ބައްދަލުވުމުގައެވެ.
