ކުރިއަށް އޮތް ދެ މަހު ކޮވިޑް ޖެހޭ މީހުންގެ އަދަދު ބޮޑުތަނުން އިތުރުވާނެ: ޑރ. ޝީނާ
ކުރިއަށް އޮތް ދެ މަހު ކޮވިޑް ޖެހޭ މީހުންގެ އަދަދު ބޮޑުތަނުން އިތުރުވާނެ ކަމަށް ޑރ. ޝީނާ މޫސާ ވިދާޅުވެއްޖެއވެ.
މިރޭ ބޭއްވި ނޫސްވެރިންގެ ބައްދަލުވުމެއްގައި ޑރ. ޝީނާ ވިދާޅުވީ އެންމެ ގިނަބަޔަކަށް ބަލިޖެހޭނެކަމަށް ލަފާކުރެވެނީ އަންނަ މަހުގެ ތެރޭގައެވެ. އެގޮތުން އެމަހު ދުވާލެއްގެ މައްޗަށް 170 މީހުންނަށް ބަލިޖެހޭނެ ކަމަށް ވަނީ ލަފާކޮށްފައެވެ.
ޑރ. ޝީނާ ޢާއްމުކުރެއްވި އަންދާޒާތަކުގައި ޖުމްލަ 13784 މީހަކަށް ބަލިޖެހޭނެކަމަށް ވަނީ ދައްކާފައެވެ. މި ޢަދަދަކީ ކުރިއަށް އޮތް 6 މަސްދުވަހުގެ ތެރޭގައި ކޮންމެ ދުވަހެއްގައި ފައްސިވާނެކަމަށް އަންދާޒާކުރެއްވި ޢަދަދުތައް އެމަހުގެ ޖުމުލަ ދުވަސްތަކާ އެއްކޮށްލުމުން ނުކުންނަ ހަމަސްދުވަހުގެ ޖުމްލަ ނަތީޖާއެވެ.
އަދި މުޅި އޮގަސްޓު މަހު ބަލިޖެހޭ މީހުންގެ ޢަދަދު 2373 އަށް އަރާނެކަމަށް ލަފާކޮށްފައިވާއިރު، ސެޕްޓެމްބަރު މަހު ބަލިޖެހޭ މީހުންގެ އަދަދު ކޮންމެވެސް ވަރަކަށް މަދުވާނެ ކަމަށް ވަނީ ލަފާކޮށްފައެވެ. އެގޮތުން އެ މަހު ބަލި ޖެހޭނެ ކަމަށް ލަފާކޮށްފައިވަނީ 1464 މީހުންނަށެވެ. އަދި އެ މަހު ދުވާލެއްގެ މައްޗަށް 105 މީހުންނަށް ބަލި ޖެހޭނެ ކަމަށް ވަނީ ލަފާކޮށްފައެވެ.
އަދި ހޮސްޕިޓަލުގައި ދުވާލަކު 16 މީހުންނަށް ފަރުވާދޭން ޖެހޭނެކަމަށް ލަފާކުރާއިރު، މުޅި އޯގަސްޓަމަހު އެކަނިވެސް ހޮސްޕިޓަކުގައި ފަރުވާދޭންޖެހޭ މީހުންގެ ޢަދަދު 475 އަށް އަރާނެ ކަމަށް ލަފާ ކުރެއެވެ. އަދި އައިސީޔޫގައި ފަރުވާދޭންޖެހޭ މީހުންގެ ޢަދަދު 47 އަށް އަރާނެކަމަށްވެސް ވަނީ ލަފާކުރައްވާފައެވެ.
ބަލިޖެހޭ މީހުންގެ ޢަދަދު އެންމެ އަވަހަށްވެސް ދަށްވާން ފަށާނެކަމަށް ލަފާކުރައްވާފައިވަނީ އޮކްޓޫބަރު މަހުއެވެ. އެމަހު ދުވާލަކު ބަލިޖެހޭ މީހުންގެ ޢަދަދު ހުންނާނެކަމަށް ލަފާކޮށްފައިވަނީ 68 ގައެވެ. އަދި ނޮވެމްބަރު މަހު ދުވާލަކު ބަލިޖެހޭނެކަމަށް ލަފާކޮށްފައިވަނީ 29 މީހަކަށެވެ. އަދި މިއަހަރުގެ ޑިސެމްބަރު މަހު ބަލިޖެހޭ މިހުންގެ ޢަދަދު ދުވާލަކު ހުންނާނެކަމަށް ލަފާކޮށްފައިވަނީ 18 ގައެވެ.
Ads by STO
