އޮގަސްޓް މަހު ދުވާލަކު 170 މީހުންނަށް ބަލިޖެހިދާނެ: ޑރ. ޝީނާ
އޮގަސްޓް މަހު ކޮވިޑް-19 ޖެހޭ މީހުންގެ އަދަދު ދުވާލަކު 170 އަށް އަރާނެ ކަމަށް ޑރ. ޝީނާ މޫސާ ވިދާޅުވެއްޖެއެވެ.
މިރޭ ބޭއްވި ނޫސްވެރިންގެ ބައްދަލުވުމުގައި ޑރ. ޝީނާ ޢާއްމުކުރެއްވި އަންދާޒާތަކުގައި ޖުމްލަ 13784 މީހަކަށް ބަލިޖެހޭނެކަމަށް ވަނީ ދައްކާފައެވެ.
ޑރ. ޝިނާ ހާމަކުރެއްވި އަންދާޒާތަކުން ދައްކާގޮތުގައި އެންމެ ގިނަ ބަޔަކަށް ބަލިޖެހޭނެކަމަށް ލަފާކުރެވެނީ މިފެށޭ އޯގަސްޓްމަހުގައެވެ. އެމަހު ދުވާލެއްގެ މައްޗަށް 170 މީހުންނަށް ބަލިޖެހޭނެކަމަށް ދައްކައެވެ. އޯގަސްޓަމަހު އެކަނިވެސް ބަލިޖެހޭ މީހުންގެ ޢަދަދު 2373 އަށް އަރާނެކަމަށް ޑރ. ޝީނާ ވަނީ ލަފާކުރައްވާފައެވެ. އަދި ހޮސްޕިޓަލުގައި ދުވާލަކު 16 މީހުންނަށް ފަރުވާދޭން ޖެހޭނެކަމަށް ލަފާކުރައްވާފައިވާއިރު، މުޅި އޯގަސްޓަ މަހު އެކަނިވެސް ހޮސްޕިޓަކުގައި ފަރުވާދޭންޖެހޭ މީހުންގެ ޢަދަދު 475އަށް އަރައެވެ. އަދި އައިސީޔޫގައި ފަރުވާދޭންޖެހޭ މީހުންގެ ޢަދަދު 47 އަށް އަރާނެކަމަށްވެސް ވަނީ ލަފާކުރައްވާފައެވެ.
މީގެ އިތުރުން ސެޕްޓެމްބަރު މަހު ދުވާލަކު ބަލި ޖެހޭނެކަމަށް ކޮށްފައި ވަނީ 105 މީހުންނަށެވެ. މިއަދަދުގައި ދުވާލަކު ބަލިޖެހޭ މީހުންގެ ޢަދަދު ހުންނަނަމަ މުޅި މަހު 1664 މީހަކަށް ބަލިޖެހޭނެކަމަށް ލަފާކޮށްފައި ވެއެވެ. އަދި ހޮސްޕިޓަލުގައި ދުވާލަކު 10 މީހުން އެޑްމިޓްކޮށްގެން ފަރުވާދޭން ފަށާނެކަމަށް ލަފާކުރެވެއެވެ. އަދި ހޮސްޕިޓަކުގައި ފަރުވާދޭންޖެހޭ މީހުންގެ ޖުމްލަ ޢަދަދު 293 އަށް އަރާނެކަމަށާ، ސެޕްޓެމްބަރު މަހު އައިސީޔޫގައި 29 މީހަކަށް ފަރުވާދޭންޖެހޭނެކަމަށް ޑރ. ޝީނާގެ އަންދާޒާއިން ދައްކައެވެ.
ބަލިޖެހޭ މީހުންގެ ޢަދަދު އެންމެ އަވަހަށްވެސް ދަށްވާން ފަށާނެކަމަށް ލަފާކުރައްވާފައިވަނީ އޮކްޓޫބަރު މަހުއެވެ. އެމަހު ދުވާލަކު ބަލިޖެހޭ މީހުންގެ ޢަދަދު ހުންނާނެކަމަށް ލަފާކޮށްފައިވަނީ 68 ގައެވެ. އަދި ނޮވެމްބަރު މަހު ދުވާލަކު ބަލިޖެހޭނެކަމަށް ލަފާކޮށްފައިވަނީ 29 މީހަކަށެވެ. އަދި މިއަހަރުގެ ޑިސެމްބަރު މަހު ބަލިޖެހޭ މިހުންގެ ޢަދަދު ދުވާލަކު ހުންނާނެކަމަށް ލަފާކޮށްފައިވަނީ 18 ގައެވެ.
Ads by STO
