ވިރާޓާއި އަނުޝްކާއަށް ގިނަ ބައެއްގެ ލޯބި، ސަބަބު މިއޮތީ
ބޮލީވުޑު ތަރި އަނުޝްކާ ޝަރުމާއާއި އިންޑިއާގެ ގައުމީ ކްރިކެޓް ކެޕްޓަން ވިރާޓު ކޯލީއަކީ ގިނަ ބައެއްގެ ލޯބި ހޯދާފައިވާ ދެ ތަރިންނެވެ. އިންޑިއާގެ އެންމެ ބާރުގަދަ ޖޯޑުންގެ ތެރޭގައި ހިމެނޭ މި ދެ ތަރިންނަކީ ވެސް ތަފާތު އެކި ގޮތްގޮތުން އަބަދުވެސް ފޭނުންގެ ލޯބި ހޯދާ ދެ މީހުންނެވެ.
ދާދި ފަހުން އަނުޝްކާ ވަނީ ވިރާޓުއާއެކު ކުރިން ކޮށްފައިވާ ބައެއް ދަތުރުތަކުގެ ވީޑިއޯ ހިއްސާކޮށްފައެވެ. އެގޮތުން އެ ވީޑިއޯގައި ފެނިގެން ދަނީ ވިރާޓާއި އަނުޝްކާ މަގުމަތީގައި އުޅޭ ހާލުގައި ޖެހިފައިވާ ކުއްތާތަކަށް ކާންދޭ ތަނާއި ފަގީރުކަމުގައި ދިރިއުޅޭ ކުޑަކުދިންތަކަކަށް އެހީވާ މަންޒަރުތަކެވެ.
ފޮޓޯ ހިއްސާކޮށް އަނުޝްކާ ބުނީ އެއީ މިދިޔަ އަހަރު އެންމެ ހަނދާން ނައްތާ ނުލެވޭނެ ކަން ކަމަށެވެ.
އަނުޝްކާއަކީ އަބަދުވެސް ޖަނަވާރުންނަށް އެހީވުމަށް މަސައްކަތް ކުރާ ތަރިއެކެވެ، އަނުޝްކާއާ ދިމާވި ފަހުން ވިރާޓު ވެސް އެކަމަށް ކުރިއަށް ވުރެ ބޮޑަށް ހޭލުންތެރިވެފައިވާ ކަމަށް އޭނާ ވަނީ ބުނެފައެވެ. މީގެ ކުރިން އަނުޝްކާއާއި ވިރާޓު ވަނީ މަގުމަތީގައި ދިރިއުޅޭ ޖަނަވާރުން ދިރިއުޅޭނެ ބައެއް ތަންތަން ވެސް އަމިއްލަ ހަރަދުގައި ހަދައިދީފައެވެ.
ވިރާޓާއި އަނުޝްކާގެ މި ވީޑީއޯއިން އަނެއްކާ ވެސް ގިނަ ފޭނުންގެ ލޯބި ވަނީ ހޯދައިފައެވެ.
