މަތިވެރިން ފައްސިވި މީހުންގެ އަދަދު 100އިން މައްޗަށް
އއ.މަތިވެރިން 25 މީހަކު ކޮވިޑް-19 އަށް ފައްސިވެ އެރަށުން މި ބައްޔަށް ފައްސިވި މީހުންގެ ޖުމުލަ އަދަދު 107އަށް އަރައިފިއެވެ.
މަތިވެރިން މި ބައްޔަށް މީހަކު ފައްސިވެފައި ވާކަން އެނގުނީ ބަލީގެ އަލާމާތްތައް ފެނުމާއެކު ޓެސްޓު ކުރުމުންނެވެ. މިއާއެކު ފައްސިވާ މީހުންގެ އަދަދު އިތުރުވެ އެރަށުގައި ކޮމިއުނިޓީ ސްޕްރެޑަކަށް ގޮސްފައިވާ ކަމަށް އެޗްޕީއޭ އިން ވަނީ ކަނޑައަޅައިފައެވެ.
މަތިވެރީގައި ކޮވިޑް-19 ފެތުރެން ފަށައިފައި ވަނީ ވަނީ އިންޑިއާއިން އެރަށަށް ދިޔަ ފަތުރުވެރިއެއްގެ ސަބަބުން ކަމަށް އެ ރަށު ކައުންސިލްގެ ރައީސް އިސްމާއިލް އާތިފް ވަނީ ތުހުމަތު ކުރައްވައިފައެވެ.
"ދެން" އަށް މައުލޫމާތު ދެއްވަމުން އިސްމާއިލް އާތިފް ވިދާޅުވީ، އެރަށުން އެންމެ ފުރަތަމަ ބައްޔަށް ފައްސިވެފައި ވަނީ އިންޑިއާގެ ފަތުރުވެރިއެއް ކަމަށެވެ. އަދި ފައްސިވި މީހާގެ ނަތީޖާ ލިބުނުއިރު އޭނާ ރަށުން ފުރައިގެން ގޮސްފި ކަމަށް ވެސް އޭނާ ބުނެފައި ވެއެވެ. އަދި މި ފަތުރުވެރިޔާއާ ކޮންޓެކްޓްވި އިންޑިއާގެ 4 ރައްޔިތުންނާއި، އޭނާ ހުރި ގެސްޓްހައުސްގައި މަސައްކަތް ކުރާ މީހަކު ވެސް ބައްޔަށް ފައްސިވެފައިވާ ކަމަށް އޭނާ ބުނެފައި ވެއެވެ.
އާތިފް އިތުރަށް ވިދާޅުވީ، އިންޑިއާ މީހާގެ ކްލަސްޓަރގެ އިތުރުން، ބޮޑުފުޅުދުއަށް ދިޔަ މީހަކު ޕޮޒިޓިވްވެ އުފެދުނު ކްލަސްޓާއެއް ވެސް މަތިވެރީގައި އުޅެއެވެ.
އާތިފް ވިދާޅުވީ ކޮވިޑް-19 އަށް ފުރަތަމަ ފައްސިވި މީހާ ހުކުރު ނަމާދަށް ދިޔަ ކަމަށާއި އެތަނުން ގިނަ ބަޔަކާ ކޮންޓެކްޓްވެފައި ހުރުން އެކަށީގެންވާ ކަމަށެވެ.
ބަލި ފެތުރެން ދިމާވީ އާތިފްގެ އިހުމާލުން. މިކަމުގެ ޒިންމާ ޢުފުލަން ޖެހޭ. ނުވަންޔާ އިސްތިއުފާ ދީފަ ގެއަށް ދުރުވޭ.