ދިވެހި އަންހެން ކުދިންގެ ނަންބަރު "ވިއްކާ" ޓެލެގްރާމް ގްރޫޕެއް
ރާއްޖޭގައި ދިރިއުޅޭ އަންހެން ކުދިންގެ ނަންބަރު ވިއްކާ ޓެލެގްރާމް ގުރޫޕެއްގެ މައްސަލަ ބޮޑުވެއްޖެއެވެ.
މި ޓެލެގްރާމް ގްރޫޕްގައި 3،000އަށް ވުރެ ގިނަ މީހުން މިހާރު އެބަ ތިއްބެވެ. އަދި ގްރޫޕްގައި އެކި އުމުރުގެ އަންހެން ކުދިން ރަށާއި އުމުރު ފަދަ މައުލޫމާތު އާއްމު ކުރެއެވެ. ހަމައެހެންމެ އެ ކުދީންގެ ނަންބަރު ބޭނުން ނަމަ މެސެޖު ކުރުމަށް ބުނެއެވެ.
އެ ގްރޫޕްގައި އެ ކުދީންގެ ފޮޓޯ ވެސް ހިމަނައިފައި ވެއެވެ. އަދި ސައްހަ ނޫން މައުލޫމާތު ވެސް ހިމަނައިފައި ވެއެވެ. ހުރެއެވެ. އެ ގުރޫޕުން ބުނާ ގޮތުގައި އެ ކުދީންނަކީ ކަސްބީ ކުދީންނެވެ.
"ދެން" އިން މި ގްރޫޕް ހިންގާ ގޮތް ބަލަން ކުރި މަސައްކަތަކުން މިފަދަ އިތުރު ގްރޫޕްތައް ހިންގާކަން އެނގިފައިވެއެވެ. އަދި ފޯން ނަންބަރުގެ އިތުރުން ސްނެޕްޗެޓް އައިޑީއާއި އިސްޓަގްރާމް ހޭންޑަލް ވެސް ވިއްކާ ކަން އެނގިފައިވެއެވެ.
މި ގޮތަށް ނަންބަރު ޖަހާފައި އިން ކުއްޖަކާ "ދެން" އިން ވާހަކަ ދައްކާލީމެވެ.
"އަހަރެންނަކަށް ނޭނގެ އަހަރެންގެ ނަންބަރު އެތަނަށް ދިޔަ ގޮތެއް ވެސް. ދުވަހަކު ވެސް އެހެން އުޅުނު މީހެއް ނޫން. އެއް ދުވަހަކު ނޭނގޭ ނަންބަރު ތަކުން ގުޅަން ފެށީ. ސްނެޕްޗެޓްއިން ވެސް އިން 400 އެއްހާ މީހުން އެޑްކޮށްފަ. ރައްޓެއްސަކު ބުނީމަ މި އެނގުނީ އަހަރެންގެ ނަންބަރު އެއިން ގްރޫޕެއްގައި އިނީކަން" އުމުރުން 20 އަހަރުގެ މި އަންހެން ކުއްޖާ ބުނެފައި ވަނީ މީހުންގެ އުނދަގުލާ ހެދި ދެތިން ފަހަރަކު ނަންބަރު ބަދަލުކޮށްފައިވާ ކަމަށެވެ.
މިފަދަ ގްރޫޕްތަކުގައި ހުންނަ މެސެޖްތައް ކިޔާލުމުން، މިގޮތަށް ވަރަށް ގިނަ މީހުން ނަންބަރު ގަންނަކަން ފާހަގަ ވެގެން ދިޔައެވެ. މިގޮތަށް މީހުންގެ އަބުރު ކަތިލާ ނަންބަރު ވިއްކުމަކީ ޤާނޫނީ ގޮތުން ފިޔަވަޅު އެޅޭނެ ކަމެކެވެ. މީގެ ކުރިންވެސް ބަރަހަނާ ފޮޓޯ އަޅާ ގްރޫޕެއްގެ މައްސަލަ ބޮޑުވެ، އެ ގްރޫޕް ޓެލެގްރާމުން ވަނީ ޑިލީޓްކޮށްލާފައެވެ.
ޢަދި ވެސް ބަރަހަނަ ޕިކް ވިއްކަ ގުރުޕު އެބަ އޮއި..އެކަން އެމިހުން ނުކޮއް ތި ބެނެ ވިއްޔަ..�