Sunday, 22 November 2026
Advertisement
STO — McCoy (leaderboard)
ޚަބަރު

ކަރަންޓީނުގައި ނެތް 2 މީހަކު ފައްސިވެ ދަނބިދުއަށް އަރައި ފޭބުން މަނާ ކޮށްފި

ލ.ދަނބިދޫން ނެގި 2 ސާމްޕަލެއް ކޮވިޑް-19އަށް ފައްސިވުމާ ގުޅިގެން އެ ރަށް މޮނިޓަރިންގެ ހާލަތަށް ލައިފިއެވެ.
“ދެން”އަށް މައުލޫމާތު ދެއްވަމުން ދަނބިދޫ ކައުންސިލްގެ ޒިންމާދާރުވެރިޔާ، އިބްރާހިމް ރަޝީދު ވިދާޅުވީ ފައްސިވެފައި ވަނީ ލ.މާންދޫން ދަނބިދުއަށް ދަތުރު ކުރި ދެ ފިރިހެނުން ކަމަށެވެ. “އެމީހުން ދަތުރު ފެށި އިރު ޕޮޒިޓިވް ރިސަލްޓް ނުލިބޭ. ރޭ ދަންވަރު ލިބުނީ. އެމީހުން އައިސް މީހުންނާ ބައްދަލު ވެސް ވެފަ ތިބީ” އިބްރާހިމް ރަޝީދު ބުންޏެވެ. ދަނބިދޫ ސިއްހީ މަރުކަޒުން ބުނީ ފައްސި ވެފައިވާ މީހުންނާ ޑައިރެކްޓް ކޮންޓެކްޓު ވެފައިވާ ފަރާތެއް ވާނަމަ ވީއެންމެ އަވަހަކަށް ޞިއްޙީ މަރުކަޒު ނުވަތަ ދަނބިދޫ ކައުންސިލަށް އެންގުމަށެވެ. އަދި 23 އޭޕްރީލް ވަނަ ދުވަހު ހުކުރަށް ދިޔަ ފަރާތްތަކުގެ ތެރެއިން ކޮވިޑްގެ އެއްވެސް އަލާމާތެއް ހުރި މީހެއް ނަމަވެސް ވެސް އެ ރަށު ސިއްހީ މަރުކަޒަށް އެންގުމަށެވެ. އެ ރަށުގައި މިހާރު ކޮންޓެކްޓް ޓްރޭސިންގެ މަސައްކަތް ކުރިޔަށް އެބަދެއެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.