ޢީދާ ދިމާކޮށް މެލޭޝިޔާ ފުރަބަންދުކުރަނީ

ކޯވިޑް-19 ފެތުރޭ މިންވަރު އިތުރުވުމުން ކުރިޔަށް އޮތް އަޟްޙާ ޢީދާ ދިމާކޮށް މެލޭޝިޔާ ފުރަބަންދުކުރަން ނިންމައިފިއެވެ.

Ads by WAMCO

މެލޭޝިޔާ ހިމެނެނީ ހަރުކަށި ފިޔަވަޅުތަކާ އެކު އެންމެ ފުރަތަމަ ފުރަބަންދުކުރި ގައުމުތަކުގެ ތެރޭގައެވެ. ބަލި ފެތުރުން ގިނަވެ، ކޮންޓްރޯލް ނުވުމުގެ ސަބަބުން ކޯވިޑް-19 ފެތުރުން ހުއްޓުވުމަށް މިދިޔަ ޖަނަވަރީ މަހުން ފެށިގެން މެލޭޝިޔާގައި އޮތީ ކުއްލި ޙާލަތު އިޢުލާނުކޮށްފައެވެ.

މެލޭޝިޔާގެ ބޮޑުވަޒީރު މުޙްޔިއްދީން ޔާސީން ވިދާޅުވީ މެއި މަހުގެ 12ވަނަ ދުވަހުން ފެށިގެން ޖޫން މަހުގެ 7ވަނަ ދުވަހާ ހަމައަށް މެލޭޝިޔާގައި ފުރަބަންދުގެ އުޞޫލުތައް ދަމަހައްޓާނެކަމަށެވެ. ފުރަބަންދުގެ މުއްދަތުގައި މަދަރުސާތައް ބަންދުުރަން ވަނީ ނިންމާފައެވެ. އަދި އެ މުއްދަތުގައި މެލޭޝިޔާގެ އެއް ސްޓޭޓުން އަނެއް ސްޓޭޓަށް ދަތުރުކުރުމާއި އެއް ޑިސްޓުރިކްޓުން އަނެއް ޑިސްޓުރިކްޓަށް ދަތުރުކުރުން ވެސް މަނާ ވާނެއެވެ. މީގެ އިތުރުން އިޖުތިމާޢީ އެއްވުންތައް ބޭއްވުން ވެސް މަނާ ވާނެއެވެ.

ހޯމަ ދުވަހާއި ހަމަޔަށް 444،000 އަށްވުރެ ގިނަ މީހުންނަށް އެ ގައުމުން ކޮވިޑް ޖެހިފައިވާއިރު 1700 އަށްވުރެ ގިނަ މީހުން ވަނީ އެ ބަލީގައި މަރުވެފައެވެ.