މަގާމުން ވަކި ކުރާ ލިސްޓްގައި މިނިސްޓަރުންނާއި ސްޓޭޓް މިނިސްޓަރުން ވެސް ، ގިނައީ މަޖިލީހުގެ މެމްބަރުން!

އެމްއެމްޕީއާރުސީގެ ޚިޔާނާތުގެ ފައިސާ ލިބިފައިވާ ކަމަށް ބުނާ ފަރާތްތަކުގެ ތެރެއިން ދައުލަތުގެ މަގާމެއްގައި ވަޒީފާ އަދާ ކޮށްފައިވާ އަދި އަދާ ކުރަމުންދާ 119 މީހެއްގެ ނަން ހިމެނިފައިވާ ކަމަށް ކޮމިޓީން ނެރުނު ރިޕޯޓުގައި ބުނެފިއެވެ.

Ads by Sosun Fihaara

އެ ރިޕޯޓްގައިވާ ގޮތުން އެ 119 މީހުންގެ ތެރޭގައި ގިނައީ މިހާރު ދައުލަތުގެ މަގާމެއް އަދާ ނުކުރައްވާ ބޭފުޅުންނެވެ. އެ ލިސްޓްގައި ނަން ހިމެނޭ ، މިހާރު ވަޒީފާ އަދާ ކުރައްވާ ބޭފުޅުންގެ ތެރޭގައި ސިފައިންނާއި ފުލުހުން ހިމެނެއެވެ. އޭގެ ތެރޭގައި އެންމެ ގިނަ ޢަދަދަކަށް ރައްޔިތުންގެ މަޖިލީހުގެ މެމްބަރުން ހިމެނޭއިރު ޔޫތު މިނިސްޓަރ މަހުލޫފާއި ސްޓޭޓް މިނިސްޓަރ އަކްރަމް ކަމާލުއްދީން ވެސް ހިމެނެއެވެ.

އޭގެ އިތުރުން މިނިވަން މުއައްސަސާތަކުގެ ބައެއް މެމްބަރުން ވެސް އެ ލިސްޓްގައި ހިމެނެއެވެ.