ލ. ފޮނަދޫ ގެއަކުން ވައްކަން ކޮށްފި

ލ. ފޮނަދޫ ގެއަކުން ވައްކަންކޮށްފިއެވެ.

Ads by STELCO

“ދެން” އަށް މަޢުލޫމާތު ދެމުން ފުލުހުން ބުނީ ރޭ ފަތިހު 05:00 އެހާކަންހާއިރު ފޮނަދޫ ގެއަކުން އަގު ބޮޑެތި ސާމާނުތަކެއް ވަގަށް ނަގައިގެން އުޅޭ ކަމުގެ ރިޕޯޓު ލިބިފައިވާކަމަށެވެ.

ވަގަށް ނަގައިފައި ވަނީ 3 ސްމާޓް ފޯނާއި، ލެޕްޓޮޕަކާއި ކެނޮން ކެމެރާއެއް ކަމަށް ފުލުހުން މަޢުލޫމާތުދެއެވެ. މި މައްސަލަ މިހާރު ބަލަމުންދާކަމަށް ފުލުހުން ބުނެއެވެ.

ފޮނަދޫއަކީ އާންމުކޮށް ކުށްކުރުން މަދު ރަށެކެވެ. ނަމަވެސް ފަހަކަށް އައިސް ވައްކަމުގެ މައްސަލަތަކާއި އެނޫން ވެސް ކުށްކުރުމުގެ މައްސަލަތައް އެރަށާއި ރާއްޖޭގެ އެކި ސަރަހައްދުތަކުގައި އިތުރުވަމުންދާ ކަމަށް ފުލުހުންގެ ތަފާސް ހިސާބުތަކުން ދައްކައެވެ.