ލ.ފޮނަދޫން އިތުރު މީހަކު ކޮވިޑް-19އަށް ފައްސި ވެއްޖެ
ލ.ފޮނަދޫން އިތުރު މީހަކު ކޮވިޑް-19 އަށް ފައްސިވެއްޖެއެވެ.
އެރަށު ސިއްޙީ މަރުކަޒުން ވިދާޅުވީ، ފައްސިވެފައި ވަނީ ފައްސި މީހަކާ ޑައިރެކްޓް ކޮންޓެކްޓްވި ފަރާތެއް ކަމަށެވެ.
ލ.ފޮނަދޫން މިހާތަނަށް 28 މީހަކު މިބައްޔަަށް ފައްސިވެފައިވެއެވެ. މީގެ ތެރެއިން 18 މީހަކު ވަނީ ބަލިން ރަނގަޅު ވެފައެވެ. އެ ރަށުން މިހާތަނަށް ޖުމްލަ 555 ސާމްޕަލެއް ވަނީ ނަގައިފައެވެ. އަދި 26 ސާމްޕަލެއްގެ ނަތީޖާ ނުލިބެއެވެ.
ކޮވިޑް-19 ފުރަތަމަ ކޭސްއެއް ފޮނަދޫން ފެނިފައި ވަނީ މިދިޔަ މަހު 24 ވަނަ ދުވަހުއެވެ. ކޮވިޑް-19 ކޭސްތައް ފެނި ލާމު އަތޮޅުގެ 8 ރަށެއް މޮނިޓަރިންއަށް ލާފައިވެއެވެ.
އަތޮޅުތެރޭގެ ގިނަ ރަށްރަށުގައި މިހާރު ބަލި ފެތުރެމުންދާއިރު، ޖުމްލަ 70 ރަށެއް މޮނިޓަރިން ހާލަތަށް ގެނެވިފައިވެއެވެ. ވެރިރަށް މާލޭގައި ވެސް ހަލުވި ކަމާއެކު ދުވަހެއް ދުވަހަކަށް ބަލި ދަނީ ފެތުރެމުންނެވެ. އިއްޔެ ރާއްޖެއިން 1،960 މީހުން ކޮވިޑަށް ފައްސި ވެފައިވެއެވެ.
ލާފަ އޭނދީ ލ.ގަމު މަތިން ނަގާފަވާ ފޮޓޯ އެއް ނޫން، އެއީ ލ.ފޮނަދޫ ގަ ގާދޫ މީހުން އުޅެމުންދާ ސަރަހައްދުގެ ފޮޓޯއެއް..