ހެލްތު މިނިސްޓަރު ހުންނެވީ ދަރުބާރުގޭގައި، އެކަހެރިއެއް ނުކުރައްވާ- މަބްރޫކު
ހައިރިސްކް ބޭފުޅަކަށް ވާތީ ހެލްތު މިނިސްޓަރ އަހުމަދު ނަސީމު ހުންނެވީ އެކަހެރި ކުރައްވާފައި ކަމަށް ބައެއް މީޑިޔާތަކުގައި ރިޕޯޓް ކުރި ޚަބަރު ރައީސް އޮފީހުގެ ތަރުޖަމާނު މަބްރޫކް އަބްދުލްއަޒީޒް ދޮގު ކުރައްވައިފިއެވެ.
އެކަން ދޮގު ކުރައްވާ މަބްރޫކު ކުރެއްވި ޓްވީޓެއްގައި ވިދާޅުވީ، މިނިސްޓަރ ހުންނެވީ ދަރުބާރުގޭގައި ކަމަށާއި ކޮންމެ ދުވަހަކު ވެސް ގިނަ ވަގުތުތަކުގައި ދަރުބާރުގޭގެ މަސައްކަތްތަކުގައި އުޅުއްވާ ކަމަށެވެ.
ރާއްޖޭގެ ކޮވިޑްގެ ހާލަތު މިހާރު ވަނީ ކޮންޓްރޯލް ގެއްލި ސިއްހީ ހިދުމަތްތެރިންނަށް ނުކަތާވަރުވެފައެވެ. އަދި މިއަދުގެ މިހާތަނަށް ވެސް 6 މީހަކު ނިޔާވެފައިވާ ކަމަށް ރިޕޯޓްކޮށްފައިވެއެވެ.
ކޮވިޑްގެ ބަލި މީހުންނަށް ފަރުވާ ދިނުމުގައި ހަރަކާތްތެރިވެ ވަޑައިގަންނަވާ ޑރ. މުހައްމަދު އަލީ މިއަދު ކުރެއްވި ޓުވީޓެއްގައި ވިދާޅުވީ މިހާރު ބަލި ކޮންޓްރޯލް ކުރަން ގުޅިގެން މަސައްކަތް ކުރުމުގެ ބަދަލުގައި ފެންނަނީ އެއްބަޔަކު އަނެއް ބައެއްގެ ބޮލުގައި ތުހުމަތު އަޅުވަމުންދާ މަންޒަރު ކަމަށެވެ. އަދި މިހާރު ކޯވިޑްގެ ކޮންޓްރޯލް އަތުން ގެއްލިފައިވާ ކަމަށް ވެސް ޑރ. މުހައްމަދު އަލީ ވިދާޅުވިއެވެ.
ފެއިލިވެއްޖެ
ޢަންނި ކޮވިޑް ފަތުރާފަ ފިލާފި.
އެކަހެރި ނުކުރާނެކަން އިނގޭ.އެމްޑީޕީ މީހެއްނުން.މިހާރު އިދިކޮޅުމީހަކު ހުރިނަމަ ބޭރުކުރީސް.ގަބޫލު ކުރިޔަސް ނުކުރިޔަސް ކޮވިޑު މިހިސާބަށް ދިޔައީ ސަރުކާރުގެ އިހުމާލުން.ބޮޑެތި ގޯސްތަކެއް ހެދިގެން.އިންތިހާބާ ދިމާކޮށް ނާޖާއިޒު ފައިދާނެގީމަ.