އެކްސިޑެންޓްގައި ނިޔާވި ޒުވާނާ ކޮވިޑަށް ފައްސިވެއްޖެ

މާލޭގައި ރޭ ހިނގި އެކްސިޑެންޓްގައި ނިޔާވި ޒުވާނާގެ ހަށިގަނޑު ކޮވިޑް-19އަށް ފައްސިވެއްޖެއެވެ.

Ads by Sosun Fihaara

ރޭ 22:00 ހާއިރު ހިނގައިދިޔަ އެކްސިޑެންޓުގައި އަނިޔާވި ސައިކަލުގެ ފަހަތުގައި އިން މީހާއަށް އޭޑީކޭ ހޮސްޕިޓަލުގައި ފަރުވާދެމުން ދަނިކޮށް ވަނީ ނިޔާވެފައެވެ. މިހާތަނަށް ލިބިފައިވާ މަޢުލޫމާތަށް ބަލާއިރު، ސައިކަލު ދުއްވި މީހާ އެ ސަރަހައްދުގައި މަޑުނުކޮށް ގޮސްފައިވާކަމަށް ބެލެވެއެވެ.

މި އެކްސިޑެންޓުގައި އަނިޔާވެ، އޭޑީކޭ ހޮސްޕިޓަލަށް ގެންގޮސްފައި ވަނީ އުމުރުން 22 އަހަރުގެ ޒުވާނެކެވެ.

އެކި ސަބަބުތައް މެދުވެރިވެ ނިޔާވާ މީހުންގެ ހަށިތައް ވެސް މިހާރު ކޮވިޑަށް ޓެސްޓް ކުރެއެވެ.