16 ދުވަހަށް ފަހު ކޮވިޑް މަރެއް ނެތި 24 ގަޑި އިރު!
ފާއިތުވެދިޔަ 16 ދުވަހަކީ އަޅުގަނޑުމެން ދިވެހީންނާ ބައްދަލު ކުރި ހިތާމަވެރި، ބިރުވެރި ދުވަސްތަކެކެވެ. އެ ދުވަސްތަކުގެ ބިރުވެރިކަން އަދިވެސް ވަނީ ވަށައިލެވިފައެވެ. އެހެން ނަމަވެސް މިއަދަކީ އަނެއްކާވެސް އުފާވެރި ދުވަހެކެވެ. ކޮވިޑް-19ގައި މިއަދު އެއްވެސް މީހަކު ރާއްޖޭގައި ދުނިޔެ ދޫކޮށްފައެއް ނުވެއެވެ. ގަދަ ކީރިތިވަންތަ މާތްاللهއަށް ހަމްދާއި ޝުކުރު ހުއްޓެވެ. އަލްހަމްދުﷲ!
ނުރައްކާތެރި ކޮވިޑް-19ގެ ތިންވަނަ ރާޅު ރާއްޖެއާ ކުރިމަތިވެފައިވާ އިރު، މިއީ މި ބަލިމަޑުކަމުން ޤައުމު ސަލާމަތްކުރަން އަތުކުރި އޮޅައިލަންޖެހިފައިވާ ދަނޑިވަޅެވެ. ފަހަކަށް އައިސް ކޮވިޑަށް ފައްސިވާ އަދަދު ވަނީ އިންތިހާއަށް މަތިވެފައެވެ. ހަމައެއާ އެކު ބަލީގައި ނިޔާވާ މީހުން ވެސް އިންތިހާއަށް ގިނައެވެ.
ފާއިތުވެ ދިޔަ 16 ދުވަހަކީ ކޮވިޑް-19 ބަލިމަޑުކަން ރާއްޖެއާ ހަމަކުރި ދުވަހުން ފެށިގެން ވެސް އެންމެ ގިނަ މީހުން ބަލީގައި ނިޔާވި 16 ދުވަހެވެ. ޖުމްލަ 70 މީހުން ވަނީ މިދިޔަ 16 ދުވަސްތެރޭ ނިޔާވެފައެވެ. ކޮންމެ ދުވަހަކު ވެސް މަދުވެގެން 3 މީހުން ނިޔާވިއިރު، މި މަހުގެ 25 ވަނަ ދުވަސް ވެގެން ދިޔައީ އެއް ދުވަސްތެރޭގައި އެންމެ ގިނަ މީހުން ނިޔާވި ދުވަހަށެވެ. އެ ދުވަހު އެކަނި ވެސް 13 މީހަކު ވަނީ ނިޔާވެފައެވެ. މިއީ ރެކޯޑް އަދަދެކެވެ. ކޮންމެ ދުވަހަކުހެން އެތައް ބައެއް މި ދުނިޔެ ދޫކޮށް ދާއިރު، ވެންޓިލޭޓަރުގައި ފަރުވާ ދޭ މީހުންނާއި އައިސީޔޫގައި ފަރުވާ ދޭ މީހުން ވެސް ދުވަހެއް ދުވަހަކަށް އިތުރުވަމުންދާކަމީ ހިތާމަހުރި ކަމެކެވެ.
މިހާތަނަށް މި ބަލީގައި ރާއްޖެއިން 158 މީހުން ވަނީ ނިޔާވެފައެވެ. ރާއްޖެއިން ކޯވިޑް-19އަށް ފައްސިވި މީހުންގެ އަދަދު ވަނީ 63،686 އަށް އަރައިފައެވެ. ބަލިން މުޅިން ރަނގަޅުވި މީހުންގެ ޢަދަދަކީ 39،314 އެވެ.
ރާއްޖެއިން ކޯވިޑަށް ޕޮޒިޓިވްވާ މީހުންގެ ޢަދަދު އެއް ދުވަހުން އަނެއް ދުވަހަށް އިތުރުވަމުން އަންނަ އިރު މި ބަލި ޖެހިގެން ފަރުވާ ހޯދާ މީހުންގެ ޢަދަދު މިހާރު ވަނީ 24،356އަށް ތިރިވެފައެވެ. މިވަގުތު އެޑްމިޓްކޮށްގެން ފަރުވާ ދެމުން ދަނީ 218 މީހުންނަށެވެ.
ރާއްޖޭގައި ކޯވިޑްގެ ނުރައްކާތެރިކަން އިންތިހާއަށް ބޮޑުވެ ރައްކާތެރިވުމުގެ ގޮތުން ހަރުކަށި ގިނަ ފިޔަވަޅުތަކެއް ވަނީ އަޅައިފައެވެ. އަދި މިހާލަތުގައި ޞިއްހީ މާހިރުންގެ އިރުޝާދުތަކަށް ފުރިހަމައަށް އެއްބާރުލުން ދެއްވުމަށް ކަމާ ބެހޭ ފަރާތްތަކުން ވަނީ އިލްތިމާސް ކުރައްވައިފައެވެ.
ބައްޔެއްޖެހުނޭކިޔާމިފަދަޒަމާނެއްގަ މީހަކުދުނިޔެއަޅާދާންޖެހެނީވަރަށްބޮޑުވަރުވެ އެކަށީގެންވާފަރުވާނުލިބިގެން . ބައްޔެއްޖެހުނޭކިޔާމަރުވެގެންދާންޖެހޭމީހުނެއްނޫންމަރުވީކީ . އުމުރުންދުވަސްވާކޮންމެ މީހަކުމަރުވާންވެއްޖެނަމަ ޝާޙިމީހުންވެސް މަރުވާނެ . އާއްމުނިކަމެތި މީހާމަރުވެދާނީ އިހްމާލުން . ޝާޙިމީހުން މަރުވިވާހަކައަޑުއެހިންތަ ؟ އެބައަކަށް ހާއްސަ ކުރެވޭ އައިސީޔޫތައް އެބަހުރި . ފަންތިކުރެވިގެން ގިންތި ކުރެވޭނަމަ މިހުރިހާހިތާމަވެރި ކާރިސާ ތަކާކުރިމަތިލާން މިއަދުގެ ދިވެހިރައްޔިތުމީހާއަށް ޖެހޭނެ . މާޔޫސީއާ ނިކަމެތިކަން ތަހައްމަލް ކުރަން ޖެހޭނެ . ޝިގެއްލާރޯގާޖެހިގެން އެންމެ ދުވަހަކުން ކިތައްމީހުން މަރުވިތޯބަލާބަލަ . ވަސީލަތާހޭލުންތެރިކަމެއް ނެތީމަ . މިއަދު މީއެދުވަސްތަ ؟