ނީލޯފަރު މަގުގައި ހުންނަ ގެއަކުން ދުން އަރާތީ އެމްއެންޑީއެފުން ހަރަކާތްތެރިވަނީ

ނީލޯފަރު މަގުގައި ހުންނަ އިމާރާތަކުން ދުން އަރާތީ އެމްއެންޑީއެފް ފަޔަރ ޓީމުން ހަރަކާތްތެރިވާން ފަށައިފިއެވެ.

Ads by STELCO

އެމްއެންޑީއެފުން ވިދާޅުވީ އެތަނުން ދުން އެރީ އެ އިމާރާތުގެ ފުރަތަމަ ބުރީގައި ހުރި ގުދަނެއްގައި ރޯވެގެން ކަމަށެވެ. އަދި އެމްއެންޑީއެފްގެ ފަޔަރ އެންޑް ރެސްކިއު ޓީމުން ދިޔައިރު އަލިފާން ނިއްވައިލައިފައިވާ ކަމަށް ވެސް އެމްއެންޑީއެފުން ވިދާޅުވެއެވެ.

އެމްއެންޑީއެފުން އިތުރަށް ވިދާޅުވީ އަލިފާން ރޯވެފައި ހުރީ އެ ގުދަނުގައި ހުރި ބޮތްކެއްގައި ކަމަށާއި އިތުރު އެއްވެސް ގެއްލުމެއް ނުވާ ކަމަށެވެ.

މަންޒަރު ދުށް މީހަކު “ދެން”އަށް މައުލޫމާތު ދެމުން ބުނީ އަލިފާނުގެ ހާދިސާ ހިނގަން މެދުވެރިވީ “ލައިޓެއް ސޯޓު ވެގެން” ކަމަށް ބެލެވޭ ކަމަށެވެ. އަދި އެތަނަށް ފުލުހުން ވަރަށް އަވަހަަށް އެޓެންޑު ކުރި ކަމުގައި އޭނާ ފާހަގަ ކުރިއެވެ.