މެއިމަހު ހުޅުމާލެ ފެސިލިޓީއަށް ގެންދިޔަ 93 އިންސައްތަ މީހުން ދެ ޑޯޒް ނުޖަހާ!
ހުސްވި މެއިމަހު ހުޅުމާލެ ފެސިލިޓީގައި އެޑްމިޓު ކުރި މީހުންގެ 93 އިންސައްތަ މީހުންނަކީ ކޮވިޑް19 ވެކްސިނުގެ ދެ ޑޯޒް ޖަހާފައި ނުވާ މީހުންކަމަށް ހެލްތު އިމަޖެންސީ އޮޕަރޭޝަން ސެންޓަރުން ވިދާޅުވެއްޖެއެވެ.
އެސެންޓަރުން ވިދާޅުވިގޮތުގައި، މެއި މަހުގެ ތެރޭގައި ހުޅުމާލެ މެޑިކަލް ފެސިލިޓީގައި 725 މީހުން އެޑްމިޓްކުރިއެވެ. އަދި އޭގެ ކުރިން އެޑްމިޓްކުރި މީހުންނާ އެކު މެއި މަހު 718 މީހުން ބަލިން ރަނގަޅުވެގެން އެ ފެސިލިޓީން ދޫކޮށްލާފައިވާކަމަށް އެ ސެންޓަރުން އާދިއްތަ ދުވަހުގެ ރޭ ކުރިޔަށް ގެންދިޔަ ނޫސްވެރިންގެ ބައްދަލުވުމުގައި ރައީސް އޮފީހުގެ ތަރުޖަމާން މުހައްމަދު މަބްރޫކް އަޒީޒް ވިދާޅުވިއެވެ.
މިވަގުތު ހޮސްޕިޓަލްތަކުގައި 165 މީހަކު އެޑްމިޓްކޮށްގެން ފަރުވާދެމުން އެބަދެއެވެ. އައިޖީއެމްއެޗްގެ ހިޔާ ވިންގުގައި ކޮވިޑް ބައްޔަށް 6 މީހުން ފަރުވާ ހޯދަމުން އަންނަކަމަށް މަބްރޫކް ވިދާޅުވިއެވެ.
ހުޅުމާލެ މެޑިކަލް ފެސިލިޓީގައި 89 މީހުންނަށް ފަރުވާ އެބަދެއެވެ. އޭގެތެރެއިން 8 މީހަކަށް ފަރުވާދެނީ އައިސީޔޫގައެވެ. އަދި އެ 8 މީހުންގެ ތެރެއިން ވެސް 5 މީހަކަށް ފަރުވާ ދެނީ ވެންޓިލޭޓަރުގައެވެ.
ހުޅުމާލެ ހޮސްޕިޓަލްގައި 20 މީހަކަށް ފަރުވާ އެބަދެއެވެ.
މީގެއިތުރުން ދަރުމަވަންތަ ހޮސްޕިޓަލްގެ 17 ވަނަ ފަންގިފިލާގައި 5 މީހަކަށް ވޯރޑްގައި ފަރުވާދެމުން އަންނައިރު އެ ހޮސްޕިޓަލްގެ 16 ވަނަ ފަންގިފިލާގައި 2 މީހުންނަށް ފަރުވާދެމުން އެބަގެންދެއެވެ. ހަމައެހެންމެ ދަރުމަވަންތަ ހޮސްޕިޓަލްގެ 11 ވަނަ ފަންގިފިލާގައި 9 މީހަކަށް ފަރުވާދެމުން އަންނައިރު އޭގެތެރެއިން 5 މީހަކަށް އަންނަނީ ވެންޓިލޭޓަރުގައި ފަރުވާދެމުންނެވެ.
ކޮވިޑް ބަލި ޖެހިގެން މިހާތަނަށް އެންމެ ގިނަ މީހުން މަރުވެފައި ވަނީ ހުޅުމާލެ ފެސިލިޓީގައި ފަރުވާ ހޯދި މީހުންނެވެ.
މިހާރުވެސް ލައްކައެއްހާ މީހުން އެބަތިބި ވެކުސިން ދެވަނަޑޯޒު ނުލިބިފަ ސަރުކާރުގެ ދޯހަޅިކަމުން