ކޮވިޑާ ގުޅިގެން އެންމެ ބޮޑު ހޭދައެއް ކޮށްފައި ވަނީ ޑިޒާސްޓާ މެނޭޖުމަންޓް އޮތޯރިޓީން

ކޮވިޑް-19ގެ ބަލިމަޑުކަން ފެށުނު ފަހުން، އެކަމާ ގުޅުން ހުރި ތަކެތި ހޯދަން 500 މިލިއަން ރުފިޔާ މިހާތަނަށް ހަރަދު ކޮށްފައިވެއެވެ. އެ ގޮތުން ހެލްތު މިނިސްޓްރީން ހަރަދު ކުރި ވަރު 500.7 މިލިއަން ރުފިޔާއަށް އަރާއިރު ހަމައެކަނި އައިޖީއެމްއެޗަށް ވެސް 145.4 މިލިއަން ރުފިޔާ ވަނީ ހޭދަކޮށްފައިކަމަށް ރިޕޯޓުގައިވެއެވެ.

މީގެ އިތުރުން، މުސާރައަށް 298.4 މިލިއަން ރުފިޔާ އަދި ކެޕިޓަލް އިކްވިޕްމަންޓަށް 201.6 މިލިއަން ރުފިޔާ ހޭދަ ކޮށްފައިވާއިރު، އޮޕަރޭޝަނަލް ސާވިސަސް އަށް 195.8 މިލިއަން ހޭދަކޮށްފައިވާކަމަށް ރިޕޯޓުން ހާމަވެއެވެ.

މި ބަލި ކޮންޓްރޯލް ކުރަން މި މަހުގެ ތިންވަނަ ދުވަހުގެ ނިޔަލަށް ސިއްހީ ހޭދައިގެ ގޮތުގައި 1،715.3 މިލިއަން ރުފިޔާ ހޭދަކޮށްފައިވާ ކަމަށް "ކޮވިޑް 19 ސްޕެންޑިން" ރިޕޯޓްގައިވެއެވެ.