ޑރ ޒާހިރު ވިދާޅުވީ ކޯޓާގެ އަދަދު ސާފު ކުރުމަށް ސައުދީގެ ހައްޖު މިނިސްޓްރީއަށް ސިޓީއެއް ފޮނުވާފައިވާނެ ކަމުގައިވާނެ ކަމަށާއި އެސިޓީގައި ރާއްޖެއަށް ކޯޓާ ލިބޭނެ އަދަދާއި ހައްޖުވެރިން އަމަލުކުރަން ޖެހޭ އުސޫލާއި މިންގަނޑުތައް ސާފުކޮށްދިނުމަށް އެދިފައި ވާނެކަމަށެވެ. އެހެން ނަމަވެސް އެސިޓީއަށް އަދި ރަސްމީ ސިފައެއްގައި ޖަވާބެއް ލިބިފައި ނުވާކަމަށް މިނިސްޓަރ ވިދާޅުވިއެވެ.
ސައުދީ ސަރުކާރުން ބުނީ ކޮވިޑާ ގުޅިގެން ހައްޖުގައި ހާއްސަ ފިޔަވަޅުތަކެއް އަޅާނެ ކަމަށާއި ހައްޖުވެރިން އަމަލުކުރަން ޖެހޭ އުސޫލުތައް ކަނޑައެޅުމަށް ޓަކައި ގުޅުން ހުރި އިދާރާތަކާ މަޝްވަރާ ކުރަމުންދާ ކަމަށެވެ. ހައްޖުވުމަށް ފުރުސަތު ދެވޭ ގައުމުތަކާއި ބައިވެރިންގެ އަދަދާ މެދު ވެސް މަޝްވަރާ ކުރަމުންދާ ކަމަށް ވެސް ސައުދީ ސަރުކާރުން ކުރިން ބުނެފައިވެއެވެ.
ރާއްޖެއިން މީގެ ކުރިން ހައްޖަށް މީހުން ގެންދަން ހުއްދެ ދެނީ ހައްޖު ކޯޕަރޭޝަން ހިމެނޭ ގޮތުން ފަސް ކުންފުންޏަަކަށެވެ. އެހެންނަމަވެސް ކޮވިޑް-19ގެ ހާލަތު ނުރައްކާވެ ފުރަބަންދު ކުރުމުގެ ސަބަބުން މިދިޔަ އަހަރު ބައިނަލްއަގުވާމީ ހައްޖު ވަނީ ކެންސަލްކޮށްފައެވެ.
Ads by STO
