ދެ ވޯޓްގެ ތަފާތުން އެލްޖީއޭ ބޯޑަށް ކ.ގުރައިދޫ ރައީސް ޔާމީން އިންތިޚާބުވެއްޖެ

ލޯކަލް ގަވަރމެންޓް އޮތޯރިޓީ(އެލްޖީއޭ)ގެ ބޯޑަށް ކ.ގުރައިދޫ ކައުންސިލްގެ ރައީސް ޕީޕީއެމްގެ ޙުސައިން ޔާމީން މުހައްމަދު  އިންތިޚާބު ވެއްޖެއެވެ.

ރަށު ކައުންސިލް ރައީސުންގެ ތެރެއިން އެލްޖީއޭ ބޯޑްގައި ހިމެނޭ މެމްބަރުކަމަށް ޔާމީން އިންތިޚާބުވީ ރަަށު ކައުންސިލްތަކުގެ މެމްބަރުންގެ 416 ވޯޓް ހޯއްދަވައިގެންނެވެ. ޔާމީނާ ވާދަ ކުރެއްވި ތޮއްޑޫ ކައުންސިލްގެ ރައީސް އެމްޑީޕީގެ އަހުމަދު ކަރަމްއަށް ލިބިވަޑައިގަތީ 414 ވޯޓެވެ.

އެލްޖީއޭގެ ބޯޑަށް އަތޮޅު ކައުންސިލްގެ ރައީސުންގެ ތެރެއިން ހޮވިވަޑައިގަތީ މާލެ އަތޮޅުގެ ރައީސް ޕީޕީއެމްގެ މުހައްމަދު ނިމާލެވެ. މޭޔަރުންގެ ތެރެއިން އިންތިޚާބުވީ ފުވައްމުލަކުގެ މޭޔަރު އެމްޑީޕީގެ ރަފީގެވެ.