ޖިނާއީ މައްސަލަތައް ކޮޅެއްގައި ނުޖެހި ވަނީ މުއައްސަސާތަކުން ގަސްތުގައި އިޙްމާލުވުމުން:އިންތި
ޖިނާއީ ބޮޑެތި މައްސަލަތައް ކޮޅެއްގައި ނުޖެހި ވަނީ ދައުލަތުގެ ކަމާބެހޭ މުއައްސަސާތަކުން ގަސްތުގައި އިހްމާލު ވުމުންކަމަށް ރައްޔިތުންގެ މަޖިލީހުގެ މާފަންނު އުތުރު ދާއިރާގެ މެމްބަރު އިމްތިޔާޒް ފަހުމީ ވިދާޅުވެއްޖެއެވެ.
ރައީސް ނަޝީދަށް އަމާޒުކޮށް ދިން ޓެރަރިސްޓް ހަމަލާގެ ތަހްގީގަށް އަމާޒުކޮށް އިންތި މިހެން ވިދާޅުވެފައި މިވަނީ ޕާޓީގެ އެތެރޭގެ ހަމަނުޖެހުންތައް ބޮޑުވެ ރައީސް ނަޝީދަށް ތާއިދުކުރާ ބަޔަކާއި ރައީސް ޞާލިޙަށް ތާއިދު ކުރާބައެއް އުފެދި ޕާޓީ ދެބައިވެފައިވަނިކޮށެވެ.
"ގިނަ ބޮޑެތި ޖިނާއީ މައްސަލަތަކުގައި މިހާތަނަށް ކޮޅެއްގައި ނުޖެހި "ހަތަރެސްކަން ހަމަވެފައި" ވަނީ މުޅި ދައުލަތުގެ ކަމާބެހޭ މުއައްސަސާ ތަކުން ގަސްތުގައި އިޙްމާލުވުމުން.ފަންޑުކުރި މީހުން ކޮބައިހޭ އާއިލާއާއި ހެޔޮ އެދޭ މީހުން ގޮވާތީ ބޮލަށް އުނދަގޫވާނެ ކަމެއް ނެތް!" އިންތި މިރޭ ކުރެއްވި ޓްވީޓެއްގައި ވިދާޅުވިއެވެ.
ރައީސް ނަޝީދަށް ދިން ޓެރަރިސްޓް ހަމަލާއަށް ފަހު ޕާޓީގެ އެތެރޭގެ ހަމަނުޖެހުންތައް ވަނީ ބޮޑުވެފައެވެ. މި ހަމަނުޖެހުންތަކުގެ އަޑުގަދަވެފައި މިވަނީ ރައްޔިތުންގެ މަޖިލީހުގެ އަލިފުށީ ދާއިރާގެ މެމްބަރު މުހައްމަދު ރަޝީދު ހުސައިން (ބިގޭ) ދެއްކެވި ވާހަކަފުޅަކާ ގުޅިގެން ރައީސް ނަޝީދު ބިގޭއަށް ރައްދު ދެއްވުމާއެކުއެވެ. އެއާއެކު އެފާޓީގެ ބައެއް މެމްބަރުން ސަރުކާރާ އެއްކޮޅަށް އަޑު އުފުލަމުންދާ އިރު އަނެއް ބައި މެމްބަރުން ރައީސް ނަޝީދު ދިފާއުކުރައްވާ ދަނީ އަޑު އުފުލަމުންނެވެ.
އަދި އެޕާޓީ ދެބައިވެފައިވާކަމަށް ޕާޓީގެ ޗެއަރ ޕާސަން ހަސަން ލަތީފް ވެސް ވަނީ ވިދާޅުވެފައެވެ. މިގޮތުން ޕާޓީ ދެބައިވީ ވައުދުވީ ކަންކަން ކުރަން ސަރުކާރުން ބޭނުން ނުވުމުން ކަމަށް ހަސަން ލަތީފު ވިދާޅުވިއެވެ.
ޖިނާއީ މައްސަލަތައްވެސް މަޖިލީހުންބަލަންފަށަންވީ. ތިވަރުގެ ގާބިލުބަޔަކު މިގައުމުގަނެތް. ހުރިހާމައްސަލަ ތައްވެސްމަޖިލީހުންބަލަންވީ މުޅިއޮޑީގަ ހަސަނުދެފައި.