ލާމު އަތޮޅުގެ ޙަރަކާތްތެރި ވޭދަނަތައް މަދު, އަދަދު 177 އަށް!
ލާމު އަތޮޅުގައި ކޮވިޑް ބަލި ޖެހިފައި ތިބި މީހުންގެ އަދަދު ދަށްވެ، އަތޮޅުގެ ހާލަތު ރަނގަޅުވާކަމުގެ ނިޝާންތައް ފެންނަން ފަށައިފިއެވެ.
ގަމު ރީޖަނަލް ހޮސްޕިޓަލު (ޖީއާރްއެޗް)އިން މިއަދު އާއްމުކުރި އަދާހަމަތަކުން ދައްކައި ގޮތުގައި މިއަދު އެ އަތޮޅުން ކޮވިޑް ބައްޔަށް ފައްސިވެފައިވެފައި ވަނީ އެންމެ 6 މީހުންނެވެ. އެއީ މާވަށުން 5 މީހަކާއި ގަމުން ކޮވިޑަށް ފައްސިވީ މީހެކެވެ. މިއާއެކު އަތޮޅުގެ ޖުމްލަ ހަރަކާތްތެރި ވޭދަނަ ވަނީ 177 އަށް އަރައިފައެވެ.
ލާމު އަތޮޅުގެ ކޮވިޑް ނަމްބަރުތައް ދައްކާ ގޮތުގައި މިހާތަނަށް އެންމެ ގިނަމީހުން ކޮވިޑަށް ފައްސިވެފައިވަނީ އެއަތޮޅު މާންދޫއިންނެވެ. އެއީ 314 މީހެކެވެ. އޭގެ ތެރެއިން 313 މީހުން ވަނީ ބަލިން ރަނގަޅުވެފައެވެ.
މިވަގުތު ކޮވިޑް ބަލިޖެހިފައި ތިބި މީހުން އެންމެ ގިނައީ ލ.މާވަށުގައެވެ. އެއީ 67 މީހެކެވެ. އެރަށުން މިހާތަނަށް 297 މީހަކު ވަނީ ކޮވިިޑް 19 އަށް ފައްސިވެފައެވެ. މީގެ ތެރެއިން 228 މީހަކު ވަނީ ބަލިން ރަނގަޅުވެފައެވެ.
ކޮވިޑް 19 ޖެހިގެން ލާމު އަތޮޅުން ރޭ ވެސް މީހަކު ވަނީ ނިޔާވެފައެވެ. އެ މަރާ ބެހޭގޮތުން "ދެން" އަށް މައުލޫމާތު ދެއްވަމުން ގަމު ރީޖަނަލް ހޮސްޕިޓަލުގެ މެނޭޖަރ އަލީ ނަޝީދު ވިދާޅުވީ، ނިޔާވެފައި ވަނީ އުމުރުން 59 އަހަރުގެ އަންހެނެއް ކަމަށާއި އޭނާއަކީ ކެންސަރަށް ވެސް ފަރުވާ ހޯދަމުން ދިޔަ މީހެއް ކަމަށެވެ. މިއާ އެކު މިހާތަނަށް ކޮވިޑް19 ޖެހިގެން ލާމު އަތޮޅުން ނިޔާވި މީހުންގެ އަދަދު ވަނީ 7 އަށް އަރައިފައެވެ.
Ads by STO
