މިއަދު ވެސް މާލެއިން ކޮވިޑަށް ފައްސިވީ މީހުންގެ އަދަދު ރިކޯޑު އަދަދަކަށް މަދު

ރާއްޖެއިން މިއަދު އިތުރު 211 މީހުން ކޮވިޑް-19އަށް ފައްސިވެފައިވާ ކަމަށް ހެލްތު ޕްރޮޓެކްޝަން އޭޖެންސީ (އެޗްޕީއޭ)ގެ ތަފާސް ހިސާބުތަކުން ދައްކައިފިއެވެ. އޭގެ ތެރެއިން މާލެއިން މި ފައްސި ވީ 54 މީހުންނެވެ.

Ads by Hajj Corporation

އެޗްޕީއޭގެ ހިސާބުތަކުން ދައްކައި ގޮތުގައި މިއަދު އަތޮޅުތެރެއިން މި ބައްޔަށް ފައްސިވީ 132 މީހުންނެވެ. އަދި ހިންގަމުން އަންނަ ރިސޯޓުތަކުން 25 މީހުން ފައްސި ވެފައިވާ ކަމަށް ވެސް ހިސާބުތަކުން ދައްކައެވެ.

މިހާރު ރާއްޖެއިން ކޮވިޑް-19އަށް މުޅިއަކު ފައްސިވެފައި ވަނީ 71،709 މީހުންނެވެ.

ބަލިން ފަސޭހަވެފައި ވަނީ 66،090 މީހުންނެވެ. އަދި މި ބަލީގައި ރާއްޖެއިން މިހާތަނަށް 206 މީހުން ނިޔާވެފައިވެއެވެ.