ޕީޕީއެމުން ޑެޕިޔުޓީ މޭޔަރަކަށް ނަރީޝް

މާލޭ ސިޓީ ކައުންސިލްގެ ޑެޕިޔުޓީ މޭޔަރުކަމަށް އެ ކައުންސިލްގެ ސްޕަރ މެޖޯރިޓީ އޮންނަ ޕީޕީއެމުން ވާދަ ކުރައްވާ ކެނޑިޑޭޓަކަށް މާފަންނު މެދުދާއިރާގެ މެމްބަރު އަހުމަދު ނަރީޝް ހޮވިއްޖެއެވެ.

Ads by MWSC

ޕީޕީއެމް އޮފީހުގައި ދެންމެ ބޭއްވި އެ ޕާޓީއަށް ނިސްބަތްވާ މެމްބަރުންގެ ބައްދަލުވުމުގައި ނެގުނު ވޯޓުން ނަރީޝް އިންތިޚާބުވީ 05 ވޯޓް ހޯއްދަވައިގެންނެވެ.

މާލޭ ސިޓީ ކައުންސިލްގެ ޖުމްލަ ގޮނޑީގެ އަދަދަކީ 19އެވެ. އޭގެ ތެރެއިން 13 މެމްބަރުންނަކީ ޕީޕީއެމްގެ މެމްބަރުންނެވެ.

ޑެޕިޔުޓީ މޭޔަރަކަށް ނަރީޝްއާ ވާދަ ކުރެއްވީ ހުޅުމާލޭ ދާއިރާގެ މެމްބަރު އިބްރާހީމް ޝުޖާއުއާއި ވިލިމާލޭ ދާއިރާގެ މެމްބަރު ނަހުލާ އަލީއެވެ. ޝުޖާޢުއަށާއި ނަހުލާއަށް ލިބިވަޑައިގަތީ 4 ވޯޓެވެ.

ޑެޕިޔުޓީ މޭޔަރުކަމުގެ ރަސްމީ އިންތިޚާބު އޮންނާނީ މާދަމާއެވެ.