ކޮވިޑް-19: މާލެއިން ފައްސިވީ 84 މީހުން، ޖުމްލަ 187!

ރާއްޖެއިން މިއަދު އިތުރު 187 މީހުން ކޮވިޑް-19އަށް ފައްސިވެފައިވާ ކަމަށް ހެލްތު ޕްރޮޓެކްޝަން އޭޖެންސީ (އެޗްޕީއޭ)ގެ ތަފާސް ހިސާބުތަކުން ދައްކައިފިއެވެ. އޭގެ ތެރެއިން މާލެއިން ފައްސިވީ 84 މީހުންނެވެ.

އެޗްޕީއޭގެ ހިސާބުތަކުން ދައްކައި ގޮތުގައި މިއަދު އަތޮޅުތެރެއިން މި ބައްޔަށް ފައްސިވީ 91 މީހުންނެވެ. އަދި ހިންގަމުން އަންނަ ރިސޯޓުތަކުން 7 މީހުން ފައްސި ވެފައިވާ ކަމަށާއި ކަނޑުއުޅަނދުފަހަރުން 5 މީހަކު މި ބައްޔަށް ފައްސި ވެފައިވާ ކަމަށް ވެސް އެޗްޕީއޭގެ ހިސާބުތަކުން ދައްކައެވެ.

މިހާރު ރާއްޖެއިން ކޮވިޑް-19އަށް މުޅިއަކު ފައްސިވެފައި ވަނީ 71،896 މީހުންނެވެ.

ބަލިން ފަސޭހަވެފައި ވަނީ 66،379 މީހުންނެވެ. އަދި މި ބަލީގައި ރާއްޖެއިން މިހާތަނަށް 206 މީހުން ނިޔާވެފައިވެއެވެ.