މާލޭ ޑެޕިޔުޓީ މޭޔަރަކަށް ނަރީޝް އިންތިޚާބުވެއްޖެ

މާލެ ސިޓީގެ ޑެޕިޔުޓީ މޭޔަރަކަށް މާފަންނު މެދުދާއިރާގެ މެމްބަރު ޕީޕީއެމްގެ އަޙުމަދު ނަރީޝް އިންތިޚާބު ވެއްޖެއެވެ.

Ads by Sosun Fihaara

ނަރީޝް އިންތިޚާބުވީ ޑެޕިޔުޓީ މޭޔަރެއް ހޮވުމަށް ދެންމެ ބޭއްވި އިންތިޚާބުގައި ކައުންސިލްގެ 19 މެމްބަރުންގެ ތެރެއިން  12 މެމްބަރުންގެ ވޯޓް ހޯއްދަވައިގެންނެވެ. ނަރީޝްއާ ވާދަ ކުރެއްވި އެމްޑީޕީގެ މައްޗަށްގޮޅީ ދެކުނު ދާއިރާގެ މެމްބަރު އަހުމަދު ޒަމީރަށް ލިބިވަޑައިގަތީ 7 ވޯޓެވެ.

މާލޭ ސިޓީ ކައުންސިލްގެ 13 ގޮނޑި ތަމްސީލް ކުރަނީ އިދިކޮޅު ޕީޕީއެމްއިންނެވެ.

ޕްރައިމަރީގައި ވާދަ ކުރެއްވި ތިން މެމްބަރުން

ނަރީޝް ޑެޕިޔުޓީ މޭޔަރަކަށް ކުރިމަތި ލެއްވީ އިއްޔެ އޮތް އެ ޕާޓީގެ ޕްރައިމަރީގައި ކާމިޔާބު ހޯއްދަވައިގެންނެވެ. ޕްރައިމަރީގައި ނަރީޝްއާ ވާދަ ކުރެއްވީ ހުޅުމާލޭ ދާއިރާގެ މެމްބަރު އިބްރާހީމް ޝުޖާއުއާއި ވިލިމާލޭ ދާއިރާގެ މެމްބަރު ނަހުލާ އަލީއެވެ.