މަސައްކަތް ކުރިއަށް ނުދަނީ ބައެއް ފަރާތްތައް ހާޒިރު ނުކުރެވިގެން: އެސެޓް ރިކަވަރީ ކޮމިޝަން
މަސައްކަތްތައް ކުރިއަށް ނުދަނީ ހާޒިރު ކުރަން ޖެހޭ އެތައް ބަޔަކު ކޮވިޑް-19އާ ގުޅިގެން ހާޒިރު ނުކުރެވިގެންކަމަށް އެސެޓް ރިކަވަރީ ކޮމިޝަނުން ބުނެފިއެވެ.
އެކޮމިޝަންގެ ރައީސް އަހްމަދު އައްސަދު ބައެއް މީޑިޔާތަކަށް މައުލޫމާތު ދެއްވަމުން ވިދާޅުވީ ކޮމިޝަނުން ބަލަމުންދާ މައްސަލަތަކުގެ ތަހްގީގު ލަސްވަނީ ކޮމިޝަނަށް ހާޒިރުވާން އަންގާ މީހުން ކޮވިޑް19 އުޒުރަކަށް ދައްކާ އެކޮމިޝަނަށް ހާޒިރު ނުވުމުން ކަމަށެވެ.
އައްސަދު ވިދާޅުވިގޮތުގައި ބައެއް ފަރާތްތަކުން ކަރަންޓީނުގައި ތިބުމާއި ބައެއް ފަރާތްތަކުން ހައިރިސްކްވުމުގެ އުޒުރު ވެސް ދައްކަވާ ކަމަށެވެ. މައްސަލަތައް ނިންމަން އެ ކޮމިޝަނުން ކުރަންޖެހޭ އިދާރީ މަސައްކަތްތައް ކުރިއަށް ދާ ކަމަށާއި މުހިންމު ތިން މައްސަލައެއް ނިންމައިލުމުގެ މަރްހަލާއާ ހަމަައަށް ގޮސްފައިވާކަމަށް ވެސް އައްސަދުވަނީ މީޑިޔާގައި ވިދާޅުވެފައެވެ.
ކޮވިޑްގެ ހާލަތާ ގުޅުވުމަށް ފަހު ބައެއް ފަރާތްތައް ހާޒިރުވުމަށް އުޒުރުވެރިވި ނަމަވެސް ކޮމިޝަނަށް ހާޒިރުވެ މައުލޫމާތު ދޭން ބައެއް ފަރާތްތައް އަމިއްލައަށް ހުށަހަޅައިފައިވާ ކަމަށާއި އެ ފަރާތްތަކާ ސުވާލު ކުރުމަށް އިންތިޒާމުތަކެއް ހަމަޖައްސަމުން ގެންދާ ކަމަށް ވެސް އައްސަދު ވިދާޅުވިއެވެ.
އެމްއެމްޕީއާރްސީގެ ހިޔާނާތުގެ މައްސަލަ ބެލުމަށް ރައީސުލްޖުމްހޫރިއްޔާ އިބްރާހީމް މުހައްމަދު ސޯލިހް އުފައްދަވައިފައިވާ އެސެޓް ރިކަވަރީ ކޮމިޝަންގެ މަސައްކަތްތައް ކުރިއަށް ނުދާތީ ގިނަ ބަޔަކު ދަނީ އެކޮމިޝަނަށް ފާޑުކިޔަމުންނެވެ.
ބަމީީ ހުންް ހާޒިރުު ނުކުރެެ ވެނީީ ގަޅިވީީ މަަ ފުލުލުންް ނަނަންް އެންގިންތަަ ގެންނަނަންް