ޝަރީއަތް ނިމެންދެން ޕެސްޓު ބަންދަށް!
މަސްތުވާތަކެތީގެ މައްސަލައިގައި ހައްޔަރު ކުރެވިފައިވާ މަޝްހޫރު ރެޕް ލަވަ ކިޔުންތެރިޔާ އިސްމާއިލް އިފްހާމް މުހައްމަދު (ޕެސްޓު)، ޝަރީއަތް ނިމެންދެން ބަންދުގައި ބެހެއްޓުމަށް ކްރިމިނަލް ކޯޓުން ނިންމައިފިއެވެ.
ކްރިމިނަލް ކޯޓުގައި މިއަދު ކުރިއަށް ދިޔަ އަޑުއެހުމުގައި، ދައުލަތުން ވަނީ ޕެސްޓާ ދެކޮޅަށް ސީސީޓީވީ ފޫޓޭޖަކާއި އޭގެ އެނަލިސިސް ރިޕޯޓު ހުށަހަޅައިފައެވެ. އަދި އޭނާގެ މައްޗަށް ހެކި ހުރިކަން ފާހަގަ ކުރައްވައި ޕްރޮސެކިއުޓަރ ޖެނެރަލް އޮފީހުގެ ވަކީލު ވިދާޅުވީ، ޕެސްޓުގެ ސަބަބުން މުޖުތަމައަށް ނުރައްކާ އެބަ އޮތް ކަމަށެވެ.
އެގޮތުން ޕެސްޓަކީ ފުޅާ ދާއިރާއެއްގައި މަސްތުވާތަކެތީގެ ވިޔަފާރިކޮށް ރަށްރަށަށް ސަޕްލައި ކުރަމުގައި ހަރަކާތްތެރިވާ މީހެއްކަމަށް ޕީޖީ އޮފީހުގެ ވަކީލު ވަނީ ވިދާޅުވެފައެވެ. އަދި އެ ތުހުމަތުތަކަށް ޕެސްޓުގެ ގާޒީ އިންކާރު ކުރި ނަމަވެސް އޭނައާ އެއްކޮޅަށް އެކަށީގެންވާ ވަރަށް ހެކި ހުށަހެޅިފައި ނުވާތީ، ގާޒީ ނިންމެވީ ޝަރީއަތް ނިމެންދެން ޕެސްޓު ބަންދުގައި ބެހެއްޓުމަށެވެ.
