ދީނާ ބީރައްޓެހި އުސޫލުތަކެއް، ދީނީ އުސޫލުތަކެކޭ ކިޔާއިރު އެމްޑީޕީން އަތް އުރައިލައިގެން ނުތިބޭނެ: ޝިފާޒް
އިސްލާމްދީނާ ބީރައްޓެހި އުސޫލުތަކެއް، އިސްލާމީ އުސޫލުތަކެއް ކަމުގައި ހަދައިގެން އެކަން ގައުމަށް ފަތުރަން ބަޔަކު މަސައްކަތް ކުރުމަކީ އެމްޑީޕީއަށް އަތް އުރައިލައިގެން ތިބެވޭނެ ކަމެއް ނޫން ކަމަށް އެ ޕާޓީގެ ނައިބު ރައީސް މުހައްމަދު ޝިފާޒް ވިދާޅުވެއްޖެއެވެ.
އެމްޑީޕީގެ 16 ވަނަ އަހަރީ ދުވަސް ފާހަގަކުރުމުގެ ގޮތުން އެ ޕާޓީން ބޭއްވި 177ވަނަ ގައުމީ މަޖިލީހުގެ ޖަލްސާގައި ވާހަކަ ދައްކަވަމުން، ޝިފާޒް ވިދާޅުވީ ޕާޓީގެ ރައީސް މުހައްމަދު ނަޝީދުގެ ފުރާނައަށް ދިން ޓެރަރިސްޓް ހަމަލާއަކީ ވެސް އެކަމުގެ ހެއްކެއް ކަމަށެވެ. އަދި މިކަންކަމާ ދެކޮޅަށް ބަސްބުނާ މީހުންނާ ދެކޮޅަށް އެމީހުން މަރާލަން ގޮވުމަކީ ވެސް ނުރައްކާތެރި ކަމެއްގެ ގޮތުގައި އޭނާ ސިފަ ކުރެއްވިއެވެ.
މީގެ އިތުރުން ޝިފާޒް ވިދާޅުވީ 16ވަނަ އަހަރީ ދުވަސް އެމްޑީޕީން ފާހަގަ ކުރާއިރު ޕާޓީގެ މަސައްކަތްތައް ނިމުނީކަމަށް ގަބޫލުކޮށްގެން ނުވާނެ ކަމަށެވެ. އަދި ޕާޓީ އަދިވެސް ކުރިއަށް ދަނީ ނުތަނަވަސް ކަމެއްގެ ތެރޭގައި ކަމަށް އޭނާ ފާހަގަ ކުރެއްވިއެވެ.
ޝިފާޒް ވިދާޅުވީ އެމްޑީޕީ އުފެދިގެން އައީ ވަރަށް ދަތި އުނދަގޫ ހާލަތެއްގައި ކަމަށް ވިޔަސް ޕާޓީ ވުޖޫދަށް އައިސް މާ ގިނަ ދުވަހެއް ނުވެ ވަރަށް ބޮޑެތި ކާމިޔާބީތައް ހާސިލްކޮށްފައިވާ ކަމަށެވެ.
އޭނާ އިތުރަށް ވިދާޅުވީ އެމްޑީޕީން ފުރަތަމަ އިންތިހާބު ކާމިޔާބު ކުރި ކަމަށާއި މާ ގިނަ ދުވަސްތަކެއް ވެރިކަމުގައި ތިބެން ނުލިބުނު ކަމުގައި ވީނަމަވެސް ރައްޔިތުންނަށް ބޭނުންޖެހިފައިވާ އެތައް ކަމެއް ކޮށްދެވުނު ކަމަށެވެ. އެގޮތުން ހިލޭ ބޭސްފަރުވާއާއި ފޮތް ފަންސުރު ފަދަ ތަކެތި ފޯރުކޮށްދިނުމަކީ އެމްޑީޕީން ގައުމަށް ކޮށްދިން އެންމެ މުހިންމު ކަންތައްތައް ކަމުގައި އޭނާ ފާހަގަ ކުރެއްވިއެވެ.
ދީނާ ބެހޭ ގޮތުން ވާހަކަ ދައްކާއިރު، މިބޭފުޅާ ދީނީ ތަޢުލީމު އުގެނުނު މަދުރަސާއެއް ނުހުންނާނެ. ރަގަށް ވިއްޔާ ފަރުޟު 5 ނަމާދު ކުރަން ނޭގޭ މީހުންވެސް ދީނީ އިލްމު ވެރިންނަށް ފާދު ކިޔާތީ ހައިރާންވޭ.
ޥެބްކެމްއެއީީ ދީނީކަމެއްބާާ. ލަދުންް ބޯހަލާކުު.
ޢެކަހަލަ ކަމަކާ ވައްތަރު ދޯ؟ ޢޭގަ ހަލާކު ވާނެ ބޮލެއް ނެތް