އެއް ޖިންސުން ގުޅުން ހިންގުން ޕްރަމޯޓް ކުރާ ފަރާތްތަކަށް އިސްލާމީ ޝަރީއަތުގެ ދަށުން ހަރުކަށި އަދަބު ދެނި

މީސްމީޑިއާގައި ، އިސްލާމް ދީނަށް ގޮންޖަހައި ވާހަކަތައް ފަތުރާ ފަރާތްތަކަށާއި އެއްޖިންސުން ގުޅުން ހިންގުން ޕްރޮމޯޓް ކުރާ ފަރާތްތަކަށް އަބަދު ދިނުމުގައި އިސްލާމީ ޝަރީއަތުގައިވާ އެންމެ ހަރުކަށި އަދަބު ދިނުމަށް  މެލޭޝިއާ ސަރުކާރުގެ ޓާސްކް ފޯސްއަށް ހުށަހަޅައިފިއެވެ.

Ads by WAMCO

މުސްލިމް މެޖޯރިޓީއެއް އޮންނަ މެލޭޝިއާގައި އެއްޖިންސުން ގުޅުން ހިންގުމާއި އެއްޖިންސުގެ މީހުން ކައިވެނި ކުރުމަކީ ޤާނޫނުން މަނާކޮށްފައި އޮންނަ ކަމެކެވެ. އަދަބު ހަރުކަށި ކުރަން އިސްލާހެއް ހުށަހަޅައިފައި ވަނީ އެއްޖިންސުން ގުޅުން ހިންގުން އިސްތިހާރު ކުރާ ޕްރައިޑް މަހާ ގުޅިގެން މިފަދަ ކަންކަން އެޤައުމުގައި އާއްމުވެފައިވާތީ ކަމަށް، މެލޭޝިއާގެ ދީނީ ކަންކަމާ ބެހޭ މިނިސްޓްރީގެ ޑެޕިއުޓީ މިނިސްޓަރ މަރްޒުކް ޝާރީ ނެރުއްވި ބަޔާނެއްގައި ވިދާޅުވިއެވެ.

"މީސްމީޑިއާގައި ބޮޑެތި ކުންފުނިތަކުން ވެސް އެއްޖިންސުން ގުޅުން ހިންގުން ޕްރަމޯޓްކޮށް ސްޓެޓަސް ޖަހައިފައިވާކަން ފާހަގަވޭ. މިގޮތަށް ކަންތައް ކުރާ ހުރިހާ މުސްލިމުންގެ ނަން ބޭނުން ކުރާ ފަރާތްތަކަށާއި މުސްލިމުންގެ ނަމުގައި އޮޕަރޭޓް ކުރަމުން އަންނަ ކުންފުނިތަކަށް ވެސް ފިޔަވަޅު އަޅާނަން" މި ބަޔާނުގައި ބުނެފައިވެއެވެ.

32 މިލިޔަން މީހުންގެ އާބަދީ އޮންނަ މެލޭޝިއާގެ އާބާދީގެ 60 އިންސައްތައަށް ވުރެ ގިނަ މީހުންނަކީ މުސްލިމުންނެވެ.އެ ގައުމުގައި އޮންނަނީ ޑުއަލް-ޓްރެކް ޤާނޫނީ ނިޒާމެކެވެ. މިގޮތުން އެޤައުމުގެ މުސްލިމުންނަށް، އިސްލާމީ ޝަރީއަތުގެ ހުކުމްތައް ޖިނާއީ މައްސަލަތަކުގައްޔާއި އާއިލާއާ ބެހޭ މައްސަލަތަކުގައި އިއްވައެވެ. އަދި ސިވިލް ކަންކަމުގައި ހިނގާނީ އެންމެންނަށް އޮންނަ ޤާނޫނެކެވެ.