ދުނިޔެއިން 5 ސިކުންތަށް އޮކްސިޖަން ހުސްވެއްޖެ ނަމަ ވާނީ ކިހިނެތް؟

ނުފެންނަ ނަމަވެސް އޮކްސިޖަންއަކީ ނުހަނު ބޭރުންތެރި އެއްޗެކެވެ. ކޮވިޑް-19ގެ ބަލިމަޑު ކަމުގައި އޮކްސިޖަން ނެތިގެން ލައްކަ ބަޔަކު އުޅެނެވެ. އޭގެ މުހިންމުކަން އެދުވަހު އިހުސާސްވިއެވެ. އެހެން ނަމަވެސް މިއަދު ދައްކަން މިއުޅެނީ އެހެން ވާހަކައެވެ. ތެދަށް ދަންނަވާ ނަމަ "ނަމަ" އެއްގެ ވާހަކައެެވެ. ދުނިޔެއިން އޮކްސިޖަން ހުސްވެއްޖެނަމަ ދެންވާނެ ގޮތަކާ މެދު ދެކެވޭ ވާހަކައެވެ. އެއީ 5 ސިކުންތައް ކަމުގައި ވީ ނަމަވެސް މެއެވެ.

Ads by MWSC

ދުނިޔޭގައިވާ ވައިގެން 21 އިންސައްތައަކީ އޮކްސިޖަންއެވެ. އަދި 79 އިންސައްތައަކީ ނައިޓްރޮޖެންއެވެ. ވައިގެ އެންމެ ގިނައީ އޮކްސިޖަން ކަމުގައި ނުވި ނަމަވެސް އޮކްސިޖަންއާ ނުލާ އިންސާނުންގެ އިތުރުން ޖަނަވާރުންނާއި ގަސްގަހާ ގެއްސަށް ވެސް ދިރިއެއް ނުހުރެވޭނެއެވެ. ނަމަވެސް 5 ސިކުންތައް މުޅި ދުނިޔެއިން އޮކްސިޖަން ނެތިއްޖެ ނަމަ ދެން ވާނީ ކީއް ހެއްޔެވެ؟

އިންސާނުންނަށް 5 ސިކުންތު ވަންދެން ނޭވާ ނުލާ ހުރެވިދާނެއެވެ. މިހެންކަމުން 5 ސިކުންތައް އޮކްސިޖަން ހުސްވިޔަސް އިންސާނުންނަށް އެކަން ނޭނގި ހުރެދާނެއެވެ. ނަމަވެސް މިކަމުގެ ސަބަބުން ދުނިޔޭގައިވާ އެހެން އެއްޗެއްސަށް އޭގެ އަސަރު ކުރާނެއެވެ.

5 ސިކުންތަށް އޮކްސިޖަން ދުނިޔެއިން ހުސްވެއްޖެ ނަމަ ސިމެންތިން ރާނައިފައި ހުރި ހުރިހާ އިމާރާތެއް ބިމާ ހަމަވާނެއެވެ. ސަބަބަކީ ސިމެންޓް އެކަތިގަނޑެއްގެ ގޮތުގައި ހިފަހައްޓާ އެއްޗަކީ އޮކްސިޖަންއެވެ. އަދި މި 5 ސިކުންތު ވެގެންދާނީ އިންތިހާއަށް ހޫނު 5 ސިކުންތަށެވެ. ސަބަބަކީ ދުނިޔެ އިރުގެ ހޫނުން ސަލާމަތްކޮށްދޭ އޯޒޯން ލޭޔަރ ބިނާވެފައި ވަނީ އޮކްސިޖަންއިން ކަމުގައިވުމެވެ. އަދި ހަމައެހެންމެ އޮކްސިޖަން އެއްކޮށް 5 ސިކުންތައް ހުސްވެއްޖެ ނަމަ ކަންފަތް ފަޅައިގެންދާނެއެވެ. މިއީ ވައިގެ ޕްރަޝަރއަށް އަންނަ ބަދަލެއްގެ ސަބަބުން އަންނަ ކަމެކެވެ. އަދި ހަމައެހެންމެ މި ފަސް މިނެޓްގައި މުޅި ދުނިޔެއިން ކަރަންޓް ކަނޑައިގެން ގޮސް ހުރިހާ އުނޅަދެއް ހުއްޓޭނެއެވެ. އެއީ މިތަކެތި ހިންގުމަށް ބޭނުންވާ ކޮންބަޝަންއަށް އޮކްސިޖަން ބޭނުންވާތީއެވެ.

އަދި ހަމަ އެހެންމެ މި 5 ސިކުންތު ވެގެންދާނީ ދުނިޔޭގެ ބިންގަނޑު ކަޑައިގެން ދާ ވަގުތު ކޮޅަކަށެވެ. ސަބަބަކީ ދުނިޔޭގެ ކޯގެ 45 އިންސައްތައަކީ އޮކްސިޖަން ކަމުގައި ވުމެވެ.

މިކާއިނާތުގައިވާ ކޮންމެ އެއްޗަކީ އޭގެ އެތަކެއް ބޭނުމެއްވާ އެއްޗެކެވެ. އަދި މީގެން އެންމެ އެއްޗެއް ވެސް ކުޑަ ހިނދުކޮޅަކަށް ވެސް ގެއްލިއްޖެ ނަމަ ހީނުކުރާ ފަދަ ބޮޑެތި ގެއްލުންތަކާ ކުރިމަތިވާނެއެވެ.