ރަސްފަރީ ފަރަށް އާގު ބޯޓެއް އަރައިފި

ކ. ރަސްފަރީ ފަރަށް އާގު ބޯޓެއް އަރައިފިއެވެ.

Ads by MWSC

އެމްއެންޑީއެފްގެ މީޑިއާ އޮފިޝަލު ވިދާޅުވީ ބޯޓު ފަރަށް އެރިކަމުގެ ރިޕޯޓް ލިބުނީ މިއަދު މެންދުރު 12:48ގައެވެ.

އެމްއެންޑީއެފުން ވިދާޅުވީ އާގު ބޯޓު ފަރަށް އެރީ ރަސްފަރީގެ ހުޅަނގު ފަރާތުގެ ފަރަށް ކަމަށެވެ.

ރަސްފަރީގެ ފަރަށް އާގު ބޯޓެއް އެރުމާ އެކު އެމްއެންޑީއެފްގެ ކޯސްޓްގާޑުން މިހާރު ދަނީ އެ ސަރަހައްދުގައި ހަރަކާތްތެރި ވަމުންނެވެ.

އެމްއެންޑީއެފުން ވިދާޅުވީ ފަރަށް އަރައިފައިވާ ބޯޓަކީ ޕެނަމާއަށް ނިސްބަތްވާ ބޯޓެއް ކަމަށެވެ. އަދި އެ ބޯޓަކީ 190 މީޓަރު ދިގުމިނުގައި ހުރި ކާގޯ ބޯޓެއް ކަމަށް ވެސް ވިދާޅުވިއެވެ.

ރަސްފަރީއަކީ ޓެލެކޮމިއުނިކޭޝަންސްގެ މަސައްކަތް ކުރާ ރަށެކެވެ.